Marketing
Prvo napovidanje dovcen i dovican
Konačno se i to dogodilo, da su veliki mesopustari šli van na napovidanje. I to va velon broju, a kako sami pripovidaju bit će ih još i više za one glavne dani. Se va semu bili su dobri iako pojedini inštrumenti i nisu baš na pravoj visini kako bi trebali bit. To će se vrimenom popravit, ča ovisi samo o njimi i njihovoj vježbi va mesopustariji.
Deški su ozbiljni i se delaju kako je vavik bilo. Samo napovidanje su obavili kako treba, bez grešaka kakove se znaju dogodit za tu prigodu. Bitno je da se informiraju ki je umrl,ki je dovac ili udovica i tko dalje.
Mali mesopustari su isto tako šli van na prvo napovidanje dovcen i dovican, samo ča oni gredu malo ranije.
Tako da su izašli na sedan ur (19.00). Si ki su ih videli govore da ih je bilo oko 40-tak. Čovik jedva čeka da vidi tu dicu ka nastavljaju Novljansku tradiciju MESOPUSTARIJE. I oni su obavili se kako treba, napovidali su na sakom raskrižju udovice i udovce.
JEDINA RAZLIKA IZMEĐU VELIKIH I MALIH MESOPUSTARA JE TA DA SU VELIKI SU RASTOM VELIKI,
A MALI SU JOŠ KLINCI.
SE DRUGO JE ISTO: OBAVLJAJU SE A I SOPU BAŠ KAKO TREBA.
BOG i se.
Post je objavljen 18.01.2008. u 11:05 sati.