Sam se nekak v zadnje vreme v nekakva razmišljanja hitil. Mi nekak došlo da sam sve počel videti na neki posebni način. Sam već ranejše skužil, da sve je nekak posebno. Onak kak se čoveku hoče il kak drugi bi z njim šteli da bu.
Gledim tak na taj svet oko sebe i sve nekak vidim, kak se pripoveda i gledi, kaj da je sve to priča. Mi tak čovek pripoveda, a ja vidim kak pripoveda i kak si on misli, da to kaj pripoveda, je tak kak pripoveda. Čak si misli, da je to tak i da i ja tak mislim, kak on pripoveda. To je kak da vu kinu vidim glumce kak glumiju.
I vidim tak ljude kak delaju sve nekak kak treba. Nigdo nekaj svojega ne napravi, a zaprav misliju svi kak to oni nekaj delaju.
Si tak sedim v kmici na rubu kreveta. Sâm sam v sobi. Mi nekak misli navaljivaju, a ja kaj da se nedam. Dajte nemojte. Kaj vam je sad? Kaj ste mene našle da bi bile. Pa, kaj bi vam to nekaj bilo, da sad kroz mene takvoga, vu toj običnoj hladnoj kmici, na svet dojdete. Morti je vami to nekaj čist drugoga nek kaj meni zgledi. I tak sam po malo prešel vu neke čudne vode. Kaj da se opiram i kaj da nebi štel da bu to kaj se hoće.
Sedi jedan brkati stari čovek v kmici. Gledi tu kmicu, i kaj da si misli, kaj sve to skup je.
Još jen dan je prešel v kmicu. Nekak je zima. Se pod poplun zavlaći. Dolaze slike neke. Kaj su to misli? Događaju se čuda. Sve je to kak normalno. Gdo sem? Kaj to delam? Di sem? I kaj da me neka ruka pobere v kmicu još veću. Se ne opiram, kaj mi ni to prvi put. Navek sam se od tam vrnul. Kak? Najte me to pitati. Me vrnul taj kaj me tam i odpelal.
Oči zaprtih v kmičnoj i hladnoj sobi, već mokrih brkih, kaj mašina neka v leru, polahko dišeći, kak da čeka svoje vreme. Još v jutarnjoj kmici, gda mu zasvira svirka z mobitela, se rastegel bu. Pa, kaj je već prešlo?
Se zvleče ispod popluna v kmicu. Sve ide ko po žnorici, pa se beži da bus pobegel nebi. Posel....
Dragi moji vas sve voli i pozdravlja vaš Mladen zapraf ... :)
Post je objavljen 20.11.2007. u 15:36 sati.