Pak sam se prerano stal.
Jezuš kristuš, kad bi mogel samo spati kak sam mogel kad sem jopec bil. Bila je još kmica, ni na teveju još ni nikaj bilo kad sem ga vužgal.
I kaj bi tak. Zel sem si jesti. Kruha i masti. Malo sem si posolil – rajše to delam sam kad se vjutro stanem – baba sam kvoca kak se moram soli paziti, da bu me infrakt trefil. A kakva je to pak mast na kruhu bez malo soli.
Danas sam si del i malo črvene paprike pa da mi bude pri duši lakše da sem dobro jel ak baš već moram tak skončati.
Stal sam si pokle na prozora da si jednu spušim.
Baba mi je rekla da ne čikarim više tak puno, se sam joj firange zadimil, veli.
"Pepeljaru sam ti na prozor dela pak tam čikari." tak mi je fčera povedala.
Još uvek je bila kmica, sam su oni bedasti pesoljupci cucke navlačili po parku. Kmica i magla, fuj. Baš mi je bilo drage kaj me sin nateral vu stana dojti.
I tak sem vam ja pušil kad ide ti taj Marič z trećeg kata, njega pak nikak ne razmem. Taj se diže vjutro čak i prije neg moja baba, a nikam nejde delati. Stčal je niz štenge tak fletno, kak dečec, da mi je skoro zaprl prozora. Skoro mi se i piva zrušila, a friško sem je otprl, jedva sem dva cuga vstegnul zeti, vrag mu jebi mater šašavu.
Niš ga ne razmem.
Kaj mu pak je da se ide tak rano stati, tak fletno vjutro ide ze stana kaj da bu mu cug pobegel, i tak se čudne smije, kak pes kaj se pujda.
Vrne se, pak, kaj da mu je pura kruh odnesla. Friški beli kruh kaj ga svako jutro nese doma. Kad si tak razmislim, belega kruha nisam jel pa ni ne sećam se još otkad. Baba veli da mi ni za srce dobar. Kupi mi nekašni trdi, se me zubi od gebisa znaju boleti.
I tak sam si spušil dve-tri pak sam se vrnul teveju. Program je počel pak sem si kalendara pogledal i vesti pa sam malo zadremal, mi se vidi.
Zbudil me je prozor kaj se tak fest zalupil pak sam se fletno digel da graknem kroz prozor da koga vraga to delaju, nori susedi, da sem već menjal stekla na obloku ovaj mesec, kad sem videl i nju – Maričku, kak juri kak nora prema parkingu. I pokle je još, prije neg se sela v auto, po božikovini rigala.
"Gospođa Marić s trećeg kata?"
"Je."
"Pa možda je trudna."
"Je, suseda, pak morti i je. Bormeć, već bi i vreme bilo."
Post je objavljen 03.11.2007. u 07:01 sati.