Kak čitam novinė i tu i tam gledim kaj sė okolo v svétu dogodi, tak puno put prėčitam takvė bėdastôčė da bi na one, kaj nekaj takvoga zblujeju, nâjraji roglė gnoja itil. A morti bi sė bolė bilo z lopatum naititi, morti bi bilo saftnejė.
I tak sem sė dogovoril sâm ze sobum da bum tu i tam pisal gnôj v glâvu blogek v kojem sė bum z virtualnem gnojom naitil na bedâkė. tudėral sem da bi to bil top 3 sake 7 dni, ampak negda jė bedâkov tuliko da bi mi broj tri bil prevuski, a negda ne čitam novinė, ne gledim televiziju i nėjdem na Interneta, pak bi morti v top 3 navlékel i onė kaj nésu zasluili da budeju v tak bedaste pajdaije.
Nâjprijė sem mislil da bi sė to zvâlo gnôjčina, a onda sem tuderal da bi roglė gnoja bile bôlė, pak sem unda vėč zebral Z gnôjem v glâvu, a unda sem sė pak na roglė gnoja vrnul zâto kaj na roglė more nekoga nabosti.
I tak unda, večėres bum itil prvė roglė gnoja, moretė posle tekmė dosurfati sim, popiti virtualni kropec i gledeti koga buju pogodile.
Post je objavljen 07.08.2007. u 16:59 sati.