Pregled posta

E, Gajo, on je taj!

Me Fajo pital: 'PA TKO JE NJU ZAROBIL NA KRAJU? ', v komentaru. Štošloga posta. Sam još jemput pročital kaj sam napisal i videl da nis priču spelal do kraja.
Sam nekaj važnoga reči štel i tak sam to del. Mi to zgledelo, kak pravom rođenom zagorskom filozofu, a tam se takvi rodiju i to su čim na svet dojdeju. Njimi škole za to ne trebaju. Škole tak ni ja nemam. Se razmem kakti v filozofiju, nauku, veru, a sad se rivljem i v poeziju. Zapraf se ne razmem, al kaj nebi. Se baš čovek i ne mora razmeti da bi nekaj napravil. Pa nis nor. Vidim (fala Bogeku još navek), pa onda i razmem. Ipak v svemu tomu pitanjih još ima. Da sam škole išel bi samo rekel, da je nekaj tak i gotovo. Kak ih nemam i to me niko učil ni kak je kaj, se navek dalje pitam i kad nekaj vidim zakaj je. Tak delamo mi rođeni zagorski filozofi. Znam, i nikad se na kraj dojti nemre.
Viš, Gajo, prijatelju, tak je i tu se na kraju pitanje našlo. Znam da ni fora to tak ostavit i fala kaj si me podsetil. Ja sam već prešel na druga filozofiranja. Gleč kak je to tu došlo.
Tam negde leta 44. je na svet došel jen mali filozof. Danas ga je život dopelal do elekrotehničara kaj se zanima z kompjutorima, al filozofija je v njem. Tak je to po Bogeku. On z nami je navek. Onak mali, gda sem se tu našel, mi nekak ni to sve bilo baš jasno. Kaj da sam od nikam kroz nekakvi rafung sim pal. Je od Bogeka i dušica tu da se brine za toga maloga. Je čist slobodna bila i z veseljem se prijela maloga filozofa. Je bilo volje za živlenjem u nje, a i mali se na to nekak priviknul. Su njih dvoje se zanimali na Bogekovu radost. Tak je nekak slično bilo i pri malom Gajeku, al morti on ni filozof il se samo skrivlje. To filozofi znaju delati.
Je tak vreme išlo, a dušica i mali su sve više toga imali za sobom. Mali ko mali, je navek nekaj štel, a dušica kak dušica, je puteke malom otpirala. Ni bilo baš sve kak je mali štel, al dušica je znala kaj dobro je za dete. Je štela narediti nekakvog čoveka od njega. I tak su njih dvoje delali skup i svako tolko je jena strana vlekla na svoje. Se dušica navikla na maloga i se prilagodila. Mali pak je bil dost uporan u svojemu. Sam čul da su pri drugima mali bili čak i uporniji. Imal je mali svakakvih želja, pa i onih kaj se nemreju zrihtati. Tu je dušica imala problemih. Kak malom to objasniti. Se tu i tam moralo i koju suzu dozvolit.
Kak je vreme išlo i dušica se navikla na želje maloga, kaj je sve veći bil. Su joj želje postale čist normalna stvar. Ona je znala da ih dost ne pela na pravu stvar, al je znala i to, da se dete nekaj naučilo bu. Ne bi smela bit preveč tvrdoglava. Dušama to i ne priliči.
I tak vu tom gemištu nekak ni ispalo sve najbolje. Je dečec narasel, al ni sve baš najbolje ispalo. Su ga dost njih spreveslali. Se trudil razmeti i je primetil dušicu i mu žal nje bilo. Dušica je pomalo popuštala i se sama znala v željama njegvim vloviti. Su počeli čist otprto razgovarati. Je mali shvatil da je ona tu po Bogeku na dužosti kakti. Bila je onak slobodna, sad sva je v brigi oko maloga kaj već velki je. Ona ga još navek gledi kak malog filozofa.
Viš i taj mali se tak jemput vu pesmi, kaj si ju videl dol v postu, pital za dušicu, zakaj slobodna ni. Znam da je ona sjetno to vidla, to pitanje. I niš ni rekla. Samo je nekak z ljubavlju se zmislila: 'Pa mali me doživljava.'
Viš Gajo, prijatelju moj, tak je pri svma nama. Dost nas je dusicu upregnulo prek svake mere. Ni ona čarobnjak. Njimi niš ne treba, nek da smo dobri i sretni i da celi ovaj svet živi sretno za sreću svih i onih kaj buju došli. To sam na svoj način od dušice doznal. Ma je ona divna. Volim ju kak i sve dušice na svetu. Se ona žrtvovala za mene i nekak bi joj štel reči, da sve to vidim i želim joj slobodu i znam da to ide tek kad joj dam jamstva svoje sreće i viđenja vrednosti života. Zato ona i je tu i zato sam živ, kak i svi kaj živi su.
I bi rekel za krajČ 'Fala ti dušice i tebi Bogek dragi, kaj sve je to delo tvoje'. Sam kak filozof i do toga viđenja došel. S ljubavlju se mislima obraćam svim dušama kaj svetek ovaj nosiju.
A gdo je nju zarobil? Ovaj tu brkati na sliki. Ni las nema, kak sam rekel. Sablju v ruke nema, al su mu misli britke. Još navek.

To je taj na slikici kaj ju je zarobil al pomalo vidi kaj je napravil.
Sve vas pozdravlja i voli vaš Mladen ...:)

Post je objavljen 21.06.2007. u 11:13 sati.