Napisal sam dio teksta u wordu i nestalo struje. Tak, lepo, sad moram sve isponova, ali bum koji puta sejval.
Na ovom turniru v Cormonsu sam baš imal primer kak v ovom problemu, samo kaj sam ja na taj štos zaživel. Sam se celu partiju zvlačil i bolje stajal, al sam na kraju počel preveć filozofirat i štel i ono kaj se nemre, pa sam i sam popadal i predal partiju. Ne vredi v životu preveć htati. Se to nemre, pa se onda čak i zgubi ono kaj se ima. Da ne velim, da se ne ostvari ono kaj se željelo. Go nas uči razumnosti. Eto, ja i u ovim debelim letima kaj da to još nis naučil. Svako tolko se zaletavam po nekaj čega nema. Kad to skužim već je partija zgubljena. No, da vidimo kaj je to zanimljivo bilo v problemu.
Prvo kaj je za primetiti, je čošek. V njem se najlakše oko naredi. Ak bi ga beli tam napravil nebi nikakvi problem bilo imati još jeno na ostatku belog prostora, kaj ga beli kameni okružuju. Crni je prvi na redu i odmah ide zabraniti belom taj čošek tak da dene na 1. A2!!!
Beli sad lahko vlovi taj crni kamen, al je bitno da ne imal oko v čošku. Tak beli dela najboljše kaj more i igra na 2. A3.
Sad se buju pokefali v čošku, al bu crni probal i drugi del raskopat. Tak krene na 3. B3. Sad je napal taj kamen na A3. Al ni to sve. Crni bi štel nametati kamenje i v beli prostor i tak mu ne dati dva oka. To bi se napravilo tak, da crni proba , ak mu beli zeme onoga v čošku na A2, da produži na C3. De bi belom onda oči bile? Zato beli mora braniti takav upad i igra na 4. C3..
Sad bi beli mogel delati oči ak dene na C1 i proba sad zeti onoga na A2. Ak crni to spreči, bi beli del na E1 i oči bi bile napravljene. Da se to ne desi, crni sad dene na 5. C1.
Sad kreće prava finta! Beli mora slediti jedini put pokušaja delanja očiju; makar nikaj se nemre, ak se zna. Tak beli sad dene na 6. D2. Još da stiigne deti i na B1, bi to bila dva oka.
Crni to mora videti, i on dene na to mesto; 7. B1. Sad je napadnut beli kamen na B2, al i onaj crni na A2. Ak sad beli spasi onaj na B2, tak da dene na C2, onda bi crni zel onoga na A3 i belom bi sve palo. Beli još odigra na 8. A1 i smaže onoga na A2. Crni sad nesme igrati na C2, jer bi mu beli zel tri kamena tak da metbe na D1 i beli bi živel. Na prvi pogled zgledi da beli živi.
To je samo privid. Če pogledate malo bolje, crni treba igrati 9. A4. To je kraj!!! Beli su opali. Ak beli spoji na A2, crni mu zeme četvorku igranjem na C2. Ak beli igra na C2, crni zeme dva kamena igrom na A2. Ostalo je samo jeno oko na D3. Drugo se nemre napraviti. Če bi beli nekak zel ona dva na B1 i C1, mu crni odmah vrne uzimanjem onoga jednoga s kojim bi ga zel beli na A1, tak da crni dene opet vna B1. Vi sigurno vidite da je beli opal, kaj ne?
Dobra finta, kaj ne!
Sad mir do petka, osim ak sami nete nabavili kakve probleme negde na netu. Ima ih!
Obradil i odgovoril bl. Muradenu - Luzer
Post je objavljen 04.06.2007. u 11:13 sati.