Pa, ajmo s rešenjem problema. Nigdo se ni v komentaru javil. To ne znači da niste rešavali. Ne znači niti da niste čitali, al ne znači ni da jeste. Najlepše mi je kad se zmislim kak pripovedam nikomu. Mečem probleme, komentiram rešenja, svakaj frflam i sve to onak sebi v brk. Sve kaj v tomu, kaj sam sad rekel, sam jedino siguran v svoj brk, kaj zapraf ga i imam. I te kakvoga. Kad je već tu, zakaj da i ne pripovedam v njega.
Evo sad ja, valda sebi v brk, rešenja pišem i objašnjavam. Posle si bum to i pročital i bum zadovoljan, kak sam to dobro objasnil. Se mi bu mam brk naheril. Valda zato to ljudi tak i veliju.
Već sam v petek rekel, da crni, koji prvi meče kamen med ove kaj ih vidite, treba zrušiti bele v kutu. Kak drukše da zvleče ove svoje crne med belima? Ti crni nemreju nikakvo oko napraviti, a beli nema takvog problema v kutu. Ipak, beli nemre napraviti dva oka i za to se crni treba potruditi. I ni to sve kaj crni treba naprabiti, nek mora i biti brži, da bi požrl bele. Treba paziti na dve stvari (oči i brzinu oduzimanja slobod).
Kak prvo, crni dene na 1. A2. Su to dve pretnje. Prvo da zbriše van z A3, al to čak i ni nekaj. Glavno je direkt zrondati bele. Zamislite da beli na ovo dene na A3, Crni onda dene na B2. Kaj bi sad beli mogel? Če sad beli dene na C2, crni samo spusti na D1. Beli sad mora na brzinu zarobiti dva crna v kutu i igra na B1. Crni sad mirno dene na E1. Da dalje ne slažem. Valda vidite da je beli odmrčal.
Da sve to se ne desi, beli mora igrati na 2. B2. Crni rešava komplikacije koje bi pogodovale belom metanjem na 3. C1. Beli sad nebi smel igrati na D1, jer bi crni bil brži: crni A3, beli B1, crni A4, beli D6, crni A1, beli B6, crni E1 i crni ima dve slobode, a beli je na zadnjoj. Zbog toga beli igra na 4. A3. Na to crni mora prema van, dole na 5. D1.
Sad ide trka za slobode Beli igra 6. D6, a crni 7. B1!!! Sad je nastal nekakvi ko na A1-A2. Beli i dalje grabi smanivati slobode crnoj grupi i igra na 8. B6. Crna ugrožena grupa ih sada ima tri, al je crni na redu. On sad dene na 9. C2! Belom je ostala zadnja sloboda. Mora zeti ko s 10. A1. Ujedno je napal četri crna kamena i crni mora ih spojiti i tak osigurati i igra 11. E1.
Sada beli postavlja završnu postavu u kojoj je potpuno definiran ko i igra na 12. A5. Sad crni mora zeti ko z 13. A2. Beli je pak na zadnjoj slobodi i mora zeti ko. Zato traži negde ko-pretnju i počinje ko-borba. Ak beli, nakon kaj je zel ko igrom na A1, izignorira ko pretnju i dene na A4, odmrčala bi crna grupa i spasila se bela.
Dakle, rešenje je ko-borba.
Znate kaj? Morti to sad niko ne prati, al ima tam desno popis problema. Tu i tam se more neko vloviti problemov i rešenja. Njima bu onda ovo zanimljivo. Pozdravljam sve takve tam negde v budućnosti.
Se razpisal z objašnjenjem bl- Muradenu - Luze
Post je objavljen 21.05.2007. u 09:07 sati.