Marketing
Kobna ledena baba :)
...se spametite oneh igric kad ste bili mići: "ledena baba", "nilski krokodil", "papagaju koliko je sati", "žmurice", "lovice"? ...se spametite seh razbiteh dlani, lakti, kolen...nosi.?.
...ja san se neki dan vrnula va to vreme, vreme takoveh igric...prišla je Melany pul nas, kujina, ima 6let...vavek se š njun neš igramo, al neki dan bil je i Denis, isto kujin, igrali smo se skupa kad smo bili mići...sedimo tako pod lipun, neš povedamo, zezamo se z Melany, kad mane pade na pamet: "se spametite one igrice ča smo se mi igrali kad smo bili mići? SE SPAMETITE LEDENE BABI?" 
krenul je razgovor na tu temu...ma si znate ledenu babu: neki je baba i lovi seh drugeh, kad nekega takne zaledi ga i taj neki more bit odlejen ako mu neki pasa kroz nogi...baba je baba dok seh ne zaledi...
...vrag nan ni dal mira, šli smo se tega igrat z Melany...Denis, Neno (blizanac) i ja...Neno je bil "baba"...I DA, IMAMO TELEVIZIJU
...tekli smo oko kući, po tarace, okol auti, zalejevali se, odlejevali...va jenen momente Neno je obadveh zaledil...a ja ih još nisan arivala odledit...prišla san na metu...taman da ću oko auta pobeć, flisnula san 
poskliznula san se na pesak, razbila kolena i dlani...peče, boli...a ja se smejen ko budala...šla san sprat ruki i kolena, i nazad, odledit Denisa i Melany...
...tako me ćapala neka nostalgija..uf...pasalo mi je kroz glavu koliko san puti na ten isten tarace razbila kolena...koliko puti se MENE čekalo da ren sprat ranice i da se vrnen va igru...odlejevat i bit odlejena 
...celo nan je zapolne pasalo va teh igricah z Melany...va sjećanjima na oni dani kad smo mi bili mići i tako se igrali...
...i onda kad smo onako trudni, zapuhani i crveni seli nazad pod lipu...sunce pomalo zahaja, mama z kući nosi sok i kolači, smeje nan se kako smo bedasti...onaj isti prizor ko od pred desetak let...aaaaaaaaaaaa... 
tako mej prožel neki prekrasan osjećaj...divota...
...i sad kad gledan ovi razbiti dlani, razbita kolena, peče me, boli, al mami osmijeh na lice...vrne me va vreme kad san BILA onaj bedasti otrok, bez ikakoveh brigi,vavek vesela, lajava, "z črvi v rite"...
...pa ni se puno tega promenilo...
...pozdravić piplsići...i ne pozabite na otroka va sebe, to je ono neš ča sakega od nas čini potpunom osobom...
"ponekad poželim ponovo biti malo dijete jer je razbijeno koljeno puno lakše izliječiti nego slomljeno srce.."
Post je objavljen 10.05.2007. u 10:39 sati.