Marketing
Prvo - fala na čestitkama za rođendan i za crni pojas... Baš ste dragi...
Dalje... Va školi niš posebno novo. Na Eninon rođendanu je bilo prva liga! 
Ja ću van ispričat ča je bilo, ženske imaju bolje oko za detalje od muških. 
Oni pišu sve sažeto! Ne znaju da su ljudi željni informacija! Ovako... Ja san došla taman kad je policija došla prvi put. Malo san zakasnila, boj san bila na natjecanju. Ja dolazin, a oni meni od barkuna trube neka stojin kadi jesan. I kad se policija pokupila, ja san šla gori i oni meni govore da je neki od susedov zval policiju. Rekli su neka se stišamo, i da do 11 odemo grad. Btw. rođendan je bil va stanu od Enine babe, blizu moje kuće. Kad su prvi put došli bilo je oko 10. Oko 10 i pol opet su došli, da ih neki stalno zivka od susjednih zgrada i neka gremo ća, neka gremo u park i neka tamo pijemo i pivamo koliko oćemo. Baš su nan tako rekli! Onda su nan počeli njurgat da se mi ne znamo zabavljat, da gremo van tek na pol noći, kad bi tribali odit doma... Jooo, živcira me već takvo razmišljanje!!! 
Vrimena se minjaju, više nema onih plesova od 8 do 10, k'o ča je bilo za vrime kad je moja mat hodila van! Ne moremo mi bit k'o oni! Okolina svjesno ili nesvjesno utječe na nas, i sve je drugačije nego ča je bilo prije 20 godin! Dok san čekala vani da policija ode naletila je od Marina iz 1.g mat. Marine, ako ovo čitaš- mat ti je super!!! Govorila je da ona ne razumi zač su ljudi takvi! Jedan put na godinu se tako nešto slavi, i umisto da budu zadovoljni ča su dica zadovoljna, oni in još i brane zabavu! Mi smo pokupili piće, i šli u park. Tamo smo pili, pivali, Anita je rigala CELI, NEPROBAVLJENI špageti! 
Drugi put kad to budete imali za ubed, sjetite se nje. 
I onda nan je opet došla policija! Upisali su Eni i Karlu, i rekli da svi ki su mlađi od 16 odu doma. To je bila samo Karla,
ali ona ni šla ća. Odustali smo od ganjanja s policijon (pametniji popušta) i šli grad. U Voxu je bilo fora, ne znan za ostalo.
Ponediljak i utorak ni bilo škole. Bilo je ka' Bog! Ja & Nikola smo bili na Golome i bilo nan je super! Šli smo od ponediljka na utorak, i jako malo spali. Ivan, Mario & Željka su bili nediri Lopari, Iris isto, Lore, Andrea, Eni, Ivana,Danka, Karla, Bruno & Vlado Kampori. Ako san koga zaboravila, sorry. Dodajte pod komentare. Sredu je počela škola nakon produženog vikenda...Karla je ispravila jedinicu iz kemije. Četvrtak su već počeli pitat. Jooooo.... Ima jedan biser!
Mario (Ivanu): Ti si tužan boj si dobil 4?!
Ivan: Nisan tužan, nego mi se spi.
Bruno: Malo bi se ja zbudil da san dobil 4!!
Ti bi Bruno pival da si dobil 4!!! Petak OPET nismo imali psihologiju! Ja ne znan dal smo je ovo polugodište imali dva puta! Šli smo u Velum, i tamo ostali do 3. Nas par, boj je pol razreda pisalo test iz engleskoga 1., a pol 2. sat. Ovo nan je zadnji, i bitan test iz engleskoga. Na izbornoj opet nismo niš čini... Ovi na informatici igrali igrice na kompjuteru, Milena je pivala sa svojin Yugi-Oh... A mi na likovnome niš. Eni & Karla su čine plakat za Dan škole o Crvenome križu, ostali pisali članke za Školski list. Ja san skitala po školi. Čak san šla doma pol ure! Niki me ni skužil! Petak je uvik tako dosadan... Mislin, dosadniji od ostalih dana. Na kemiji se Vale 15 min svađal sa Istrankon oko njegove isprike. Čuva je od početka godine, i htil ju je čera iskoristit. Međutin, ni mu dala, boj da je rok bil 4. misec, a čera je bil 4.5.! 
I tako su se oni dva nadmudrivali, dok Istranka ni popustila... Svaka čast Vale!! Danas su imali školu ovi ki su na informatici. Malo smo in se rugali... Posle smo šli na piće u Eho, i Vlado je htil zeznut Nikolu. Htil mu je reć da smo mi imali likovni, i da je Kolarevićka bila ljuta ča neki nisu došli. Ali Vlado k'o Vlado... Ne zna lagat. Kad san ga pitala ki je sve bil rekal je on, Mario, Karla... E, tude se zeznul! Sat je bil od 8 do 10, a Karla je na 9 i pol imala dogovoreno kod kozmetičarke! E, Vlado... 
Evo van još biser-dva!
Ovo je Karla napisala na testu iz biologije: Želudac preživača sastoji se od buraga, kapure, knjižavaca i SERIŠTA!! Umisto sirišta!! 
Edita: Valentino, odi mi, molim te, u zbornicu. Vidjet ćeš jednu pletenu maju, svjetlo,svjetlo violet. Donesi mi ju, molim te.
(Vale se vraća)
Nikola: Kako gre ona reklama- i sivo je u modi!! 
Naši biserčići... Ciao ljudi! Pozdrav svima!
Post je objavljen 05.05.2007. u 14:39 sati.