Opet nekaj v levom doljnjem vuglu treba spelati. Beli prvi meče kamen i štel bi svoje kamenje spasiti. Štel bi zapraf zrihtati ih tak, da mu crni nikak nebi ih pojesti mogel. Kak se jede, to znate. Nesme bit praznih križih pri kamenu ili hrpi, kaj su iste farbe. To mi zovemo kak slobode. Lepo je i jednostavno to tak reči, al spelati? Bogmeš ni. Bi čovek još i poslagal bele tak da mu crni niš nebi mogel, al pravilo tog slaganja veli, da kad beli dene jen kamen, je crni na redu. Tak kaj si beli zmisli, mu crni pokvari. Vite, tak treba zmisliti i metnuti, da crni niš nemre belom grdoga narediti.
Da bi me razmeli kaj sam štel reči, bi trebali nekaj malo više znat o te igre. Tak na priliku bi treba znat, kak zglediju ti obliki, de vam protivnik z novim metanjima niš nebi mogel. Sam rekel da za pojesti treba grupi kamenja iste farbe zeti sve slobode. To bi bilo da nema slobodnih križih il mestih polek tog kamenja kaj ga se pojesti hoće. Razmete? Kaj nebi razmeli, pa nis kineski pripovedal. A sad da velim ono najvažnejše. Bi beli trebal dva oka imeti.
Sad sigurno gledite kaj da ste z aeroplana pali. Kakva dva oka? Di? Gdo? Zakaj? Je čist razumljivo da se to pitate. Čovek kad razmišlja, se takva pitanja zmišljaju. Ja bi vam odgovoril ovak: 'Lepa, kaj neznate kaj su oči? Tu, kaj ne vidite? Pa valda vi. Da vam crni ne pojede belo kamenje!' Si mislim da je sad malo jasnije. Bar smo vidli o čemu se dela.
Slikica je lepa, jelda. Si ju gledim i nekak kaj one di umetniki rišeju usta na glavi, a oko v grlu, a vuho med lasi. Prava umetnost. Pa već da se čovek toga i zmisli.
Znate kaj? Nebi vas štel z pripovedanjem zmotati. Bute se vi već snašli; kak i navek. Dajte, rešite i ovoga. Ja vam bum v ponedeljek tu del rešenja, da si vi pogledate kak ste i vi to dobro zrihtali.
A kaj bu prek vikenda? O tom bi štel, kak i navek, nekaj tu reči. Već danas navečer (petak) se igra v Belot klubu 'Velebit' na Jelačić platzu 15, al kad zajdete malo vnutra, za listu ožujka. Tak mi to zovemo, al se igra go. Če vas zanima kaj to je, dojdite i poglečte. Nebu vas niko vgrizel, Se društvo za go počne okupljati od 19 vur.
Sutra, v subotu, v Velkoj Gorici igramo 2. Proljetni go-turnir. Se igra od 10:30 v Centru za odgoj i obrazovanje v Zagrebaćkoj 90. To vam je ona autobusna stanica kad autobus već ide prema Zagrebu, a tam de se skreće na Radnikovo nogometno igrališće. Najte iti do vulice za Radnika, nek tam di autobus stane vam je to prek plota, al najte skakati nek se par koraki vrnite i v dvorišće črez lesu zajdite. Ulaz v hižu je z druge strane. Slobodno dojdite. Ni tam vas niko nebu vgriznul. Je sve zabadaf. Mislim da dojdete i gledite, a ak znate igrat i da igrate. Jesti i piti si sami zrihtajte. Tak, sad je valda sve jasno. Bar meni tak zgledi.
Onda lepi pozdrav i sve najbolše bl. Muradenu - Luzer
Post je objavljen 30.03.2007. u 13:25 sati.