Marketing
žuto svetlo na semafore na raskiržju života...
Pust je pasal, ja osobno moren reć da mi je lanjski bil mrvicu boji, al pust ko pust, saki je za pamćenje po nečemu..
Kako su me prehlada, febra i se ča gre zaprle va kuću, ča je muka za osobu kao ča san ja, osobu ka ne more 2 min mirovat, prišlo je vreme da napišen novi post... Niste se baš iskazali va komentiranju prethodnega osim: „napiši ča novega“, a ja van objavila pjesmicu va ku san srce i dušu dala...c!c!c!..
Va zadnje vreme toliko sej tega dogodilo, toliko sej tega promenilo i ne pada mi na pamet da ren to sad se prepričavat...
...al moran priznat da mi se tako brzo pasuje, ne arivan držat korak z vremenun. Prišal mi je onaj moment kad treban malu pauzu, karatki odmor, odmor od sebe same, odmor od svakodnevice... Moment kad se upali žuto svetlo na semafore na raskrižju života, i tako je malo vremena za odlučit dal poć napred ili se pofermat, dal nastavit po isten pute ili skrenut..?
Kade iskat odgovori? Kade iskat hrabrost? Kega pitat za pomoć?
...mislin da va takoveh momenteh, potrebni smo si samo mi sami, jer samoća je neš jako potrebno sakemu od nas da bismo se mogli suočit sami sobun...
Toliko mi judi reče: „komać imaš 17 let“, al mane je to VEĆ 17 let...Ni me strah da će mojmu životu brzo prit kraj, stah mej da nikad neće ni počet... Odavno san shvatila da samo jedanput se živeje, al sad san shvatila da treban promjenu, ma koliko tu promjenu bilo teško prihvatit, bojin se, al ja to moren i ja to ću...to je ono neš ča more SAKI od nas.. Upalilo mi se je žuto svetlo na semafore, al spremna san odreć se života ki san mislela živet, da bin imela život ki me očekuje....magari to značilo skrenut i ako skretanja ni, provat neš novo....i hvala sen ki su uz mene, sad kad mi to najviše treba...
...ja san shvatila da je jedini cilj ki želin postić va živote – uživat va svojen i pozitivno utjecat na tuji...jer za drugo ni vremena....
...a vi?
Post je objavljen 02.03.2007. u 14:12 sati.