Marketing
Maškarana galerija ...
Kako me je iznapadalo da judima dajen samo mrvice, evo van cili krtol slik, onako, po mome izboru, ča san i uspija snimit na maškaranoj povorci u subotu, 17. vejače, u Mašogradu ... 
Ove godine smo se lipo spremili, za svaki slučaj smo nabavili i anđele čuvare, da ne bude kiše ili nedajbože ča gore ...
Znali smo i sami koja je ura, nije nan tribalo crtat ...
... a i naš dugogodišnji velečasni, ča daje zadnju pomast onemu izrodu od Krnje, avanca je u Kardinala. I mekli smo ga na kraj povorke, inače ne bi završili do ujutro dokle on sve izblagosilja ...
... dica su naše najveće blago, ali ove godine su stvarno dali sve od sebe, ka ovi mali kinezići, inspirirani dizajnon njiovoga novega/staroga vrtića ...
... ili ovi mali poslovni ljudi, ča se zarana spremadu za profitabilna zanimanja ...
... a ovi su se dobro potrudili pa se cili razred umaškara u dičji pir iz filma "Vlak u snigu" ...
... a kad smo već kod budući zanimanji, ne more past jabuka ispod kruške ... kad ovi nareste, i ova riba će bit barenko palamida, ako ne i tunj ...
Mi smo judi široka srca, na gledamo svakome u domovnicu, pa smo primili i izbjeglice iz solinski Mačkara ...
... isto ka i kokondrile i divje jude iz donji seli ...
... a ne pravimo problema ni oko toga je li ko ji praščevinu ili ne ...
... barenko je kod nas lako nać srodnu dušu ...
... bitno je da smo uvik medijski i više nego dobro pokriveni ...
... jerbo su naši judi, ka i uvik, parlamentarni i uviđavni, pa dobro podnosu i loše kritike ...
... a najlipše reagiraju kad in rečete da će završit na naslovnicu dogodine ...
... ali nima veze, bitno je da smo mi užgali ONU ČA JE ZA SVE KRIVA ...
... i da su poza tin svi dobre volje i da nikoga ne zaboli glava.
Amen! I dovidova, do druge prilike ... 
Post je objavljen 20.02.2007. u 05:40 sati.