Pregled posta

Go-problem broj 134.

Kaj? Da pripovedam o vremenu kak leti? Kaj got. Pa to nam se ionak samo čini. Si tak zamišlamo. Vreme leti. Svakaj. Vreme? Kaj to? Pogledate i vidite kak vreme leti. Svakaj. Bu, pa prejde. Kak može vreme biti. Valda mi, a pripovedamo o nekakvom vremenu da leti. Pa čak ni mi ne letimo. Morti ptičice da, al mi nikam ne letimo. Morti z eroplanima, al to samo tu i tam i kak bi se reklo, kratko. Isto tak je i to z petkom. Velim da je novi petak došel. Ma nikakvi petek ni došel, a nit ide. Kaj da je negdi tam bil i se pripremal kak bi nam došel. I to si moremo tak zamišlati. Kaj da bi neki novi petek došel. Smo sve to tak nekak zrihtali, da bi tak pripovedali i da bi neko nekom rekel, da bi delal tak kad i ov drugi bu, pa se buju dogovarali i organizirali. Si morete mislit, kaj jednom vrapcu petek znači. Leti vrabec, a leti i petek, pa se nateravleju.
Vi me bute razmeli če velim da je petek tu i da bum problema del. Se razmemo.
Evo, i mećem ga.
Slikicu vidite. Je pitanje kak da beli zaživi z svojim kamenjem? On i prvi meće svoj kamen na ploču. Vi znate da za živeti treba napraviti takvog oblika z kamenjem da crni nemre, kak got metal, belom kamenje zarobit, a zarobi se kad kamenje iste boje polek više nema praznih mest.
Onda, kaj? Pa, dajte, mečite. Beloga, pa crnoga, pa beloga ... i sve tak dok ne rešite. Kad vidite da to ni to vratite opet na ovo kaj vidite tu na slike i dajte opet, al drukše i sve dok nebute napravili to kaj crni zrušit nemre. Je, al najte igrati namerno loše za crnoga. To ne vredi. Crni isto treba igrati najbolje. Kad tak najdete rešenje, bi značilo, da crni belom niš nemre, ak beli dobro igra, a to tak i treba biti v tom problemu.
Nem pak ono o vremenu kak leti, al v ponedeljek bum rešenja na blog del. Bute vidli kak je rešenje zanimlivo. Bum vam rešil v dva posta, kaj ima jeno zanimlivo rešenje, al onda crni da nekaj više poenaov. Tak je zanimlivo, da vam bum to metnul v posebni post.
Tak. Sad sam berajt, kaj se problema dotikavle i vikend more dojti.
Kaj bumo prek vikenda mi kaj se z kamenjem volimo zabavlati. Pa, turnir bu v Gorici v subotu. Redovni subotnji je v Centru v Zagrebačkoj 90. Počne v 10:30. Svi morete dojti. Se igra handicap -2. Vreme za gruntanje je pol čuke po igraču i byoyomi od frtal minute za potez. Niš ne košta, al nebu ni novčanih nagrad. Bumo se zanimali z kamenjem, gradili dvorišća, kak Matija veli. Pa, kaj to ni dost?
Lepi pozdrav bl. Muradenu - Luzer

Post je objavljen 16.02.2007. u 13:50 sati.