Nekak je uobičajeno v problemima da se protivnika zruši, il onak grdo rečeno vbije. V šahu uvek treba dati mat i sve tak nekak agresivno. Se ne sećam v šahu problema, de se treba zvleći od mata. Kaj da je sve v matovima, ubijanjima, zarobljavanjima. V gou čak filozofija igre ni takva, al se treba dobro znati kaj je opasnost. Da bi se opasnosti navikli i z njom računali, bi mogli biti majstori ove igre.
Poglečte naprimer kad čovek hoda. Si pomislite kolko je to opasno. Svaki bi čas mogli opasti, ak dobro ne balansirate v pokretu. Mora se imati nagib tela i pravovremeno podmetati nogu. Zamislite da se nagnete napred i zaboravite podmetnuti nogu. Kad ste učili hodati su to bili velki problemi, kaj ne? Je skor v svemu tak. Se nafčimo i onda je sve to nekak lako i sve manje mislimo o tomu. Čak kad bi razmišljali bi morti zato i problema imali, kaj bi se sve usporilo. Treba vremena dok se razmisli, a pri hodanju treba puno put brzo nogu podmetnuti, da ne poljubite poda z nosom.
Vite, tak je i v igrama. V gou posebno, jer vu toj igri puno je kombinacija z kojima se dela vrednost pozicije. Puno se toga razmišlja i onda ne napravi, al se z tim računa. Če protivnik krene v kombinaciju, tak vi imate spremlene odgovore. To je onak: 'Če on sim ja tu, a ak dene tam bum ono.', i sve tak v nizovima poteza, kaj ih kombinacijama zovemo. Vu dobroj igri najviše tog je v glavi i često se igrači, kad partija kraju dojde, pitaju: 'Kaj bi igral, da sam ja tam del?'. Tak krene priča o partiji. Se tolko zaneseju igrom, da je čitavu na pamet znaju. Malo jači igrači čitavu partiju od 200 do 300 poteza redovno znaju napamet uz čitave priče z razlogima igre.
Ovde v blogu redovno mečem probleme. Ni to bez veze. Tak se učimo kombinirati. Zapamte se razne kombinacije koje se pojavljuju v igri i kad vam dojde tak nekaj, vi već znate kaj i kak. Pa ste razmišljali o tom tu, kad ste problema rešavali. To oni kaj ih rešavaju. Je to nekaj kaj bute v ornament, kaj se partija zove, mogli deti.
I tak bumo sad malo vežbali kak spasiti grupu, a ne kak je fundati. Ak to znate bute mogli slobodnije takve oblike delati, jer bute znali, da ih protivnik nebu mogel z ploče pokupiti.
Poglečte si slikicu ovoga problema. Vite kolko mesta tu ima, al beli ni siguran. Če crni prvi krene, sve je odmah gotovo, kaj bi del na E2 i nebi se moglo za beloga napraviti ona dva oka. V problemu beli je prvi. Ajde, dajte odigravajte tak, da kaj got crni odgovori, beli bu živel.
Problem je tu, a rešenje bu v ponedeljek.
A sada o tom kaj bu prek vikenda. Prvo da vas podsetim, da je danas navečer druženje u Velebitu na Trgu Bana Josipa Jelačića broj 15 u veži u Belot klubu. Dojdite i ak vas samo zanima kaj je to. Vam bumo pokazali kak se igra.
Sutra, v subotu 03. 02. , je v Velkoj Gorici v Centru za odgoj i obrazovanje z početkom u 10:30 u Zarabačkoj 90, naš redovni handicap turnir. Igra se handicap -2, uz pol vure po igraču i byoyomi od 15 sekundi za potez. Svi ste dobro došli.
Pozdravleni bl. Muradenu - Luzer