Puno je vremena već pasalo odkad niste čitali post na oven bloge... pa san odlučil da napišen neš novega...
Ni sam neznan odkud da počnen... pa ću počet od zadnjega posta..
Band Batići nan se raspal malo - neću sad pisat razlogi aš ni bitno :(
Polugodište va škole san pasal bez problema... to je ono najvažneje :-)
I prihajaju praznici .. 3 šetimane spanja... 3 šetimane normalnega života bez nerviranja ... 3 šetimane izlasci ... 3 šetimane zabave... baš je lepo bilo al mi je to sve nekako prebrzo pasalo. Novo leto san slavil va Crikvenice va apartmane ma zakon je bilo... Ekipa za 10 zajebancija... ma sega je stvarno bilo
Nakon novega leta san jedno 3 dana po celi dani spal a po cele noći visel na kompe - i zbog tega mi je žal jer ono da san bar ča korisno delal NE nego san igrice igral :-)
I sad škola... sako jutro se budit... molit boga da niš ne pitaju... gubit celi dani... itd. al ajde ni sve tako crno aš su z školun počele i MAŠKAREEEEEE za maškare živejen... i za JUŠIĆIIII moren slobodno reć da mi je to najbojeh par šetimani dok škola traje... to mi totalno gušt, celu šetimanu planiramo va ča ćemo se maškarat pa to na kraju ostane za subotu zapolne... pa svi nervozni zmišljamo neke maškare hahaha... onda se najdemo pul nekega pa malo ča popijemo da se steplimo i onda va Jušići... a va Jušićeh ovo leto COCKTAILSI.... :-) RSAAAJ
Al ti jušići su nekako posebni... tamo upoznan pun k... noveh ljudi, ženskeh... natancan se... malo se i popije... zafrkancija celu večer saki put neki lik se najde ča majmuna dela od sebe pa se i nasmejemo itd... ma da van ne povedan više.. morate prit tamo pa videt i sami...
Izdvojil bin jednu curu ku san upoznal pul jušić, odprej je znan iz viđenja al niš posebno...
Razmenili smo broji telefona... dopiševali se 3 dana bez fermat ono doslovno ... reče da će prit i drugu subotu pul jušić da se vidimo i stvarno pride.. al boje da ni prišla... rekla je "Al ja ti iman dečka"
a u kurac!!!!! al niš novega pul mane vajik ja na neku takovu naletin.. al san se razočaral iz razloga... ča mi je onakove poruke slala itd. i na kraju jedno velo niš ;-) - ma dosta o temu :-)
E razmišljal san da ponovno okupimo Batići band... al moran još z Darioton povedat - on nezna niš o ovemu pa će me ubit kad post pročita će reć "panGlu ča moran na bloge čitat!!!!!" :-)
Ma Dario niš ti nisan tel reć aš ni sam neznan kako bimo okupili band kad nan fucking klavijaturista fali al provat ću nekega nać...
Evo to bi van zasad bilo to :-)
p.s. nadan se da neće puno vremena pasat odkad napišen drugi post... uživajte
Post je objavljen 25.01.2007. u 13:50 sati.