Marketing
Ča – beseda je moja....
...post inspiriran sečesen pomalo...
...kad san počela pisat blog, bilo mi je malo bezveze pisat po domaći....morda zbog tega ča je postojala samo jedna osoba ka je znala za moj blog i ka ga je razumela...(Maja)
...al sad više ni tega razloga zbog kega bin ja počela pisat književni...
...kad san počela va srednju, ja nisan ni znala govorit književni.
..jednostavno, nisan znala....govorila san kako ča bin engleski prvi put va VB..(va osnovnoj smo vavek govorili po domaći i z učitelji i međusobno)...a va srednjoj mi je bilo najhuje to ča nisan ni imela s ken povedat na ča....jedva san čekala da doma priden...tr dan i sada.....
...saka čast Dalmatincun...oni da su va sabore, na radije, na televizije....sagdere...vavek povedaju po svoje....a ja se moran mučit i govorit kako da drugi....e pa neću...
..i jedan od najvećeh strahi mi je da ću jenega dana finit negdere kade neću imet kemu reć ča....kade me niki neće razumet...kade neću imet kamo poć na fešticu i do jutra tancat na domaću muziku dok me snaga ne izda...
...a to je ono nešto za ča živin...
..s ča me je mama odgojila, s ča san prvi koraki storila, na ča san progovorila....i ja tu besedu volin...zač?...aš je moja...
..po mojen mišljenju, beseda i užanci su najveće blago ko smo nasledili od svojeh starejeh i ko moremo dat va nasljedstvo svojen mlajen....
..eto toliko...
..pozdrav semi.....da potle ne bi bilo zabuni da san nekega pozabila pozdravit..
Post je objavljen 14.01.2007. u 22:22 sati.