Marketing
Vridi ka pozivnica ...
Eto, napalo nas je zadnji put ka ono "došli bi, ali nismo znali ..." ... Ovo vridi ka direktna pozivnica. Zadnji put smo se našli u Baletnoj @carla_bruni, @čuvitar, @brod_u_boci i moja umorna malenkost ... malo smo se načakulali, upoznali jedni druge kako bog zapovida, popili piće pa o svome poslu ...
Nažalost, @čuvitar je već partija u južne krajeve, ali nima razloga da ne ponovimo sastanak. I da znate, nećemo nikoga potirat, pa ni one ča su nan pritili da će naslonit nos na ponistru ne bi li vidili ča smo uzeli za jist (pripoznat će se sama ...)
A očemo li mumat oli nećemo, dogovorit ćemo se na licu mista, podilit troškove i idemo dalje, jerbo smo svi odrasli i, je li, više manje ozbiljni ljudi 
Zato, nemojte reč da vas nismo obavjestili na vrime ...
A koga je straj od izleta u nepoznate krajeve sedan Kaštili, oli ko ne zna di je Baletna, neka se slobodno javi meni na e-mail, pa ću mu nacrtat, ili barenko poslat sliku sa Google Eartha sa ucrtanin puten kretanja.
E, da, sve san reka a nisan datum i vrime ... petak (nije trinajsti, vengo dvanajsti), to ka za tri dana, u sedan i po pa dalje, restoran "Baletna škola" u Kaštel Kambelovcu, na obali ... ko se ne more snać, već san napisa, neka se javi mejlon. Do viđenja!
Post je objavljen 09.01.2007. u 13:16 sati.