Ste vidli; strplen, spašen. Prošel je tedan i petak je tu, a z njim i novi problemček. Već ste, valda, primetili, da su poredani nekak slični skup. Se ponavljaju delovi, pa ih tak bolje nafčit morete. Je to kak da se neko trudi, da bi i vi nekaj z te igre nafčili. Pa, ni baš celi svet samo da bi nofce bral. Neko vam tu i tam i pokloni nekaj. Obično si čovek misli, kad mu neko kekaj da, da zakaj mu da. Sigurno nekaj hoće, il bu štel od vas. Samo da nafčite tu igru, ak vam se da. I je i ni teška. Kak se zeme. Da bi se igrali, je dost par minut, da pravila nafčite. Če bi šteli pobeđivati, se bute morali malo više zanimati, kaj se protivniki nebuju samo tak dali pobediti. Ak pak hoćete dobro igrati, vam ni celi život nebu dost, al bute se nafčili pomalo sebe razmeti i se tak pomalo menjati. Bute vidli kak je sve neka povezano i kak ni samo tak se promeniti. Da bi se promenili treba prvo sebe razmeti. Vu te igre sve to se more polahko videti. Ma ni to samo vu te igre, da nete mislili kak je ona neka čarobna. Čist obična i jednostavna, al si čovek i z njom pomoći more, če ga zanima kaj i kak je to sve oko njega.
Sad je pred nami novi problemček. Valda ne trebam o njem puno pripovedati. Prepoznate neke dele njegve postave. Treba belom ne dati da napravi dva oka. Ak crni dobro odabira mesta de bu del, beli ih ni nemre imati, ma kak god dobro igral. Da, al mora dobro igrati i crni. Pa, probajte; crni, beli, crni, beli, crni ..... Tak, to.
Sutra je pak subota i turnir u Velkoj Gorici. Igra se u Centru za odgoj i obrazovanje u Zagrebačkoj 90, a počne u 10:30. Svi su dobrodošli. Pristupnine ni, a nagrada je svim jednaka, zadovoljstvo igrom.
bl. Muradenu - Luzer
Post je objavljen 05.01.2007. u 09:27 sati.