Marketing
Go-problem broj 127.
Smo dogurali do kraja ovoga leta! Ha, kaj velite? Tak to ide; ideš, ideš i dojdeš ... nekam.
To pak ne znači, da problemi nebi išli dalje. Za njih kaj da ni novoga leta. Oni ideju jen za drugim. Kaj problem zna kaj je novo leto. Njemu je glavno, da ga čim teže rešite. Voli se praviti, ko da je nerešiv. Morti tak zgledi, al za prave rešavaće se more delati nerešiv kolko hoće. Pravim rešavačima je tim bolje, čim se on više pravi nerešivim. Rešavaći bi najrajše rešavali nerešivo. Kaj da nemreju bez problemih.
Evo sad ovaj novogodišnji. Zgledi kaj nerešivi. Kaj ni? Znam da se bute zaletili i mam rekli: 'Pa jednostvano je. Rešiv je! Sličan je kak onih par zadnjih.' Ja bi rekel: 'Hm. Sličan? Kak to mislite? Zgledi slično?' Ma ima nekaj, al baš v tom je finta, kaj to ni sve. Dobro poglečte, kaj bu vam brzo zgledilo, kak da to kaj ste mislili, baš i ni tak kak ste mislili. Da vam ne kvarim; gombajte se. Rešenje bu sledećega leta 2007-oga.
Sve je v nekom preddočeknom stanju leta novoga. Ljudi kaj da nisu tu i kaj da su prešli v neko drugo vreme. Svi nekak glediju kak buju dočekali to leto novo. Kaj da ono nemre i samo dojti. Ja se s tim baš i ne zanimam. Pa ni leto novo kak bogec, da nezna kak, kaj i kam. Najte grintati z njim.
Kak i svaku subotu i ovu bumo v Velkoj Gorici delali našega vikend-turnira. Baš me zanima gdo bu došel. Zamislite, Nikola je bil na svim tim turnirima ovoga leta i sad na ovaj zadnji nebu došel. Je prešel na ferije. Onda? Nikaj, nek sutra v subotu 30. prosinca bu 2. Zimski v Gorici. Sve kak i navek, Centar u Zagrebačkoj 90 z početkom v 10:30, handicap -2, 30 minut po igraču, byoyomi 15 sekund. Dojdite.
Lepi pozdrav i sretno novo 2007. leto! bl. Muradenu - Luzer 
Post je objavljen 29.12.2006. u 09:16 sati.