Pregled posta

Rešenje go-problema broj 126.

Su blagdani bili, pa se malo kasni. Prva runda ih je prešla, pa se malo zraka zeti more i rešenje tu deti.
Svima vam je, valda, jasno bilo da je problem jednostavan i da bute to skoro i vidli. Pa, znate, da su one jednostavne stvari nekak, zapraf, komplicirane. Se čovek nemre tak jednostavno zmisliti. Se očekiva nekaj kompliciranoga i se ono jednostavno tak i ne vidi. Je tak v svemu. Si čovek navek nekaj prebire vu mislima i je tam nekak više nek kaj zapraf je. Tak je vu celi ovi igri, kaj je go zovemo. Kamenje je na ploči baš tak kak je. Ih morete lepo videti, al to kaj vu glavi se prebire, z nji v vezi, je nekaj čist drugoga. Tam se čovek, tam vu glavi, sfufla i zgubi. Vu misli svoji se najveć put zgubimo, ne tam vani. Je, jednostavno je to kaj je, al gdo bi znal kaj zapraf je, kad tolko toga vu glave nakitimo. Neki veliju da je to bogatstvo, kaj tak čovek more zmišlati. Morti i je, al se pitam kaj z tim? Kad se više ima, su brige veće, pa je dobro to z drugimi podeliti, al puno njih misli, da to kaj je njegvo je samo njegvo. Je, je, dragi moji, tak se misli. No, da ne pripovedam preveč. Sam već rekel, da je to bogatstvo i da se pitam kaj z njim. Ajmo problema rešiti. Če bumo samo razmišlali, niš nebu stoga.
Da treba crni deti prvoga poteza na 1. E4, vam je valda odmah bilo jasno. Če bi beli tu del, se oči nebi moglo sprečiti. Prvi je za videti, al kaj dalje?
I drugi potez, taj ka ga beli dene, je takaj vidljiv. Mora deti na 2. E3, jer če se crni spoji z svima dole (E2, F2 ... niš od beloga živlenja nebi biti moglo.
Prva dva metanja su se tak skor sama odigrala, kaj su tak nametljivi bili. Kaj dalje? Crni meče. Sad je na redu finta, il potez kaj sve rešava. Crni bu 3. E5!!! Vidite? Beli celo vreme more delati oko tak da dene na F8, al ne stigne. Crni bi ga zrušil, kaj bi mu samo to jeno oko ostalo. Celo vreme crni igra tak, da bi štel dole belom ne dati ni jeno oko, a ono gor jeno, naj mu bu, kaj mu jeno dost za živlenje ni. Tak crni igra i dalje. Ak sad beli spoji na D6 i napravi tu jeno oko, crni zeme ono gor, kaj dene na F8. Ak pak beli dene na F8, crni bu na D6. Beli sad nesme zeti taj kamen, tak da dene na D7, jer bi crni njem zel tri, tak da opet dene na D6. Je to povratni udarac.
Sad beli malo odgađa i igra 4. F4 i zeme dva crna, al crni odma dene jenoga natrag i to 5. E5. Pak je sve isto. Beli proba još tak, da zeme odmah tog jenoga i odigra 6. E4.
Crni na to reši stvar tak da dene 7. D7! Nakon tog bu sigurno zel jeno od dva moguća oka i to tak da bi del na D6 il F8. Belom jeno oko ni dost.
Kaj ni jednostavno? Pa, je, al treba videti. Tak, kad igram partiju stalno tražim ono jednostavno, al si navek mislim kak bi dobro bilo da protivniku namestim kamenje tak, da ima kaj za razmišlati. Morti se zmota. Če on zna jednostavno gledati, ni lako pobediti ga, al je zato partija lepa. Sam imal dost partija kaj sam ih zgubil, al su svejeno bile lepe. Je dobra partija kak umetničko delo kaj ga dva umetnika delaju odjemput. Je to kak filozofija.
Ovaj teden su školski prazniki, pa nebu goa po školama. Bu Zvonko delel po knjižnicama za mlade v Zagrebu. Sam čul, da se već na velko zanima i uči male kak se zarobi kamenčić. Baš me zanima jel bu i med njima neki novi Robi il Matej il morti Ivan il Josip.
Svima vam želim sretne blagdane. Božić malo kasnim, a za novo leto sam još na vreme. Kaj se leta brojiju?! Naj im bu.
bl. Muradenu – Luzer (p.s. ovo Luzer je tak relativno ... )

Post je objavljen 27.12.2006. u 08:59 sati.