Marketing
zadrta romantičarka...
...nepojmljivo mi je da cura od 17 let ima baren 20 dečki iza sebe....hello...al isto tako, je li nepojmljivo ne imet ni jenega?..mislin da ni....tu san ja slučaj...
...zadnjeh leto-dve-tri imela san bezbroj upadi (najbolji mi je bil: „si za tanac?.ja ti iman 3 hektara ureh“)
...skupila san jako puno broji,upoznala puno noveh judi, okusila život....al zaš se nisan z niken upustila va vezu?....skoro saki put je onaj prvi dojam bil odlučujući.....a i si reču da izgled ni važan....priznajte da je....
...morda se bojin slomljenega srca?.morda se bojin vezi?.morda previše išćen od muškega?.a morda aš prviše volin (.....).?...u biti, nisan ni imela potrebu bit va veze...
..niki ni imel ono neč, a i onaj ki ima me ne abada....
..ni mi hujega nego kad lepo počnen ćakulat z mušken, ČAK postoji mogućnost da neč i bude, a onda on izvali neš tipa : „si se ikad ševila?..nisi?.sad ću ti je pokazat kako se to dela..“..dobro, ne reče baš tako, al tako ja to shvatin...hello....pa daj da se prvo malo „upoznamo“- za početak, ja san sanja, drago mi je...
...kamo su nestali si oni muški ken ni stalo samo do se....ovaj..nogometa.....oni ki će mi otpret vrata i pustit me da pasan prva...ki će me neće pejat va disko kade ćemo se celu večer derat jedan durgemu, ljubakat va separeu i sl...namesto tega,ispod vedrega noćnega neba poć ćemo na vrh Učki...poć šetat na lungo mare....bit negdere kade će bit dovoljna samo prisutnost jenega drugemu...dobro, i eventualno koji kissić..^-^..kade su oni kemi ni važno koliko san zadnji put imela svećic na torte nego koliko san iskustva va živote imela i ča su me se ta iskustva navadila....kade su oni ki će mi reć „volin te“ samo zato aš tako stvarno misle..?!?
...postoje li uopće takovi ili je to samo plod moje mašte..?...al opet ja za jenega uporno držin da je takov....
...čak san ih par i upoznala ki bi mogli bit takovi...al opet mislin da ne bin mogla bit trenutno z niken....va saken slučaje, mislin ne bi bilo fer prema njemu, aš š njin bin bila, a na (.....) bin mislela...
...ma uostalom ča će mi dečko dok ja moren z mojun kumpanijicun kaltit....ni mi sila...
...moran se poć spravljat za van...neću arivat do 9..
..pozzz...
...i samo bin još zamolila Maju da ovaj post ne kometira..
Post je objavljen 24.11.2006. u 18:52 sati.