Marketing
Moj prvi inzulin, a go je i dalje u školi !!!
I kao što reče suseda Barbarela, da bu sve u redu bilo, kaj bu razgovarala s Isusekom, je. Sam bil vjutro na 'Vuk Vrhovcu', da bi se ispital moj cukor v krvi. Prvo su me na šalteru, ona teta, hteli naručiti za listopad 2007. Uz osmeh ja njoj: 'Nebu to tak.', zato kaj sam znal da nebu. Je vidla da se nedam samo tak i mi lepo veli da idem kod sestre. Nisam znal kod koje pa sam onak bez veze zaustavil jenu kaj je prolazila, a ima ih tam puno. Sam rekel da imam uputnicu sa 'hitno', pa mi veli da idem tam na hitnu ambulantu i da samo ujdem nutra. Sam. I počelo je.
Prvo su mi zeli nekaj krvi iz prsta i vene. Ono iz vene je išlo za tri epruvete. Dok se točilo sam se pomalo spominjal z doktorico. Nakon toga čekanje. Onda me v hitnu ordinaciju prijel doktor, pa sam se i z njim spominjal, al sam pustil njemu da bira teme. Zna on kaj treba razgovarati. Me našel u njihovoj bazi podataka odprije više od 10 let kaj me tu ni bilo. Sam se malo zapustil. Cukor je bil 14,8. Veli on meni: 'Dva euglukona i za pol sata jesti.' Sam si ih zel od doma, a i pol litre vode skup. Kad je videl onu flašu od coca cole kak u njoj nekaj imam i hoću to popit, me mam pita: 'Kaj vam je to nutra.' Sam ga pogledal, kaj mi zgedilo kaj da delam nekaj kaj se nesme. 'Pa voda, obićna voda za popit.' Na to on smirenije: 'Dobro u redu je.' Popil to, pa čekal pol vure, pa pojel dole u kafiću jogurt i bio-sendvič, pa čekal pred hitnom, pa opet kod doktora, pa onda opet u labos krv iz prsta i vena al samo jenu epruvetu. Je ovi drugi put jedva scurelo kolko treba. Kaj da nis više krvi imal. Kak je trajalo, sam imal opet vremena se pospominjat z doktorico. Posle toga opet čekanje, pa onda kod doktora. Bilo je ovaj put 18,9. Je naraslo. Znal sam kaj bu, a sam ranije dal do znanja da bi morti tak i bilo najbolje. 'Bu inzulin. Sestra bu van sve objasnila i educirala vas za apliciranje inzulina.' I bilo je tak. Sam dobil nekak kaj penkalu. Sad znam kak se menja igla, a jena vredi za četri pikanja, a to su dva dana. Znam kak se odredi broj jedinica i kak se pika i da se mora pričekati deset sekundi z iglom spičenom. Zanimljivo. Si zasada moram davati samo osam jedinica. Moral bum onda nakon 5 do deset minut jesti. Znači pikanje tek kad si pripremim klopu. Čist sam ponosan kaj sam postal pravi dijabetičar kaj je na inzulinu. Sam dobil i iskaznicu i je moram navek z sobom furati. Kad sam došel na posel sam mam kolegicu častil z kavom u tu čast.
Zapraf, kaj sam štel reči. Vite kak se lako zapričam. Negda, kad sam bil mali, su oni strejši znali reč: 'Frflaš kak baba.'
Negde oko devet vur, kad sam čekal prije prvoga pikanja za krv, čujem zvoni mi v torbi mobitel. Tražim ga i nikak ga najti. Je i prestal zvrndati. Pogledam gdo me to zval i vidim broj, Pa, bum ja pozval natrag. Bil je ravnatelj škole. Me obavešća da se rad go-sekcije nastavlja i da bumo delali v 4a razredu i da se nebu učionica manjala svaki tjeden. Me razveselil. Mi rekel da su deca zgleda ipak nekaj štete napravila. Ja to nis videl, al to ne mora značiti da nisu. Sad imam kaj deci reči, a bu to tak da svi zajedno radimo tak da bu sve v redu. Da, to sam štel reči. Pak svaki ponedeljak igramo atari-go v školi. Znam i osećam, da je ravnatelj bil taj, kaj se boril da to ostane. Voli on da se deca športski zanimaju. Je puno dal i za našu ekipu u ženskoj odbojki Azena. To su cure iz ove škole.
Vite, kak dobro ipak ide dalje. A posebno fala Barbareli i Isuseku.
Prijatelji dragi, sve vas srdačno pozdravlja i voli vaš Mladen ... 
Post je objavljen 15.11.2006. u 16:14 sati.