Pregled posta

Pitanje

Sam tak včera se španciral po blogima. Sam našel komentara od radoznalaae, kaj ga je ostavila dol pod piramidama, zapraf pod čudima. Kak je red, sam otišel pogledati kod nje. Ima samo jen post, kaj je počela tek sad. Je v naslovu pitanje: 'Ko je stvorio svijet?'. Tekst v postu je kratki bil i to: 'Dakle, ovo mi je prvi ponovljeni post. Molim ko zna odgovor neka mi javi.'
Pročital sam to i zaustavil se (v mislima). Sam si ja ranije tu i tam tak nekaj postavil. Svega sam spregruntaval, kaj toga kaj ga je napravil nis videl, a nis ni čul da ga je neko videl. Ljudi pripovedaju svega, onak na neviđeno. Najviše ih pripoveda da je sveta Bog napravil i to za čist malo dana. Si sad ja mislim, da kak tak puno za tak malo vremena. Nigdo ni videl, a svi verujeju. Mogel bi i ja verovati, kaj samo tak kaj su mi neki rekli, a nisu videli, nek pripovedaju tak jeni drugima. Ni f tome nikaj lošega. Samo pri meni je nekak drugače. Nemrem ja samo tak verovati, kaj iz iskustva znam da bi me lako žedna prek vode odpelali. Naj pripovedaju, al ja si bum sam gruntal o tomu. Je pitanje postavleno i bi se štelo odgovora imati. Kad sam već dost o tomu gruntal bum ja napisal nekaj tak i sam komentara ostavil. Ga morete videti. Link sam vam tu gor del, po ono radoznalaae.
Vite, kad o tomu ovak nekak javno pripovedam, bi moral paziti da ne povredim nekome verska osećanja. Je to svetinja, kaj dira čoveku v dušu. Se nadam da me niko krivo razmel nebu. Bum probal o tomu ovde pisati.
Kaj prvo je važno znati, da sam ja samo mali čovek vu velikoga sveta i kak takvi sam ograničen. Sam baš tolki kolki jesam. Niš više ni manje. A svet, o kome je reč, je ogromni, kaj mi ni v misli stati nemre. Gdo ga je napravil? Sam ja premali, da bi to bil ja, ma i neko drugi kaj je tak jenaki meni. Sam tu na tom svetu tek nekih 62 lete. Kaj je to, kad bi se gledalo na početak, kaj je bil ko zna kad.
Gledam to pitanje i se pitam, kaj zapraf to pitanje znači. Radoznalaa bi štela znati gdo je to bil kaj je sve ovo zrihtal? Gdo god je, ak je tak kak si moremo zamisliti, bil bil neko ko je tak kak čovek, al puno veći i jači. To je kak si mi zamišljamo, al jel sve tak kak si zamišljamo? Kaj si zapraf uopće možemo zamisliti?
Da bi pitanje bilo takvo, bi ono značilo da je svet početka imal i da ga je neko napravil. Se pitam, kaj baš mora početka imati? Kaj baš sve moramo suditi po nama samima? Pa smo mi ograničeni, a zakaj bi svet to moral biti? Ak ni ograničen, onda za njega vrediju neka druga pravila. A kaj bi baš morala biti pravila, ko i za nas kaj smo tak konačni na sve načine? Kaj mi se odmah pitanjih namnožilo. Mi zgledi kaj da pitanje ima dost problemov. Pa, lepo, nek onda ostavim to z početkom kak dodatno pitanje. Morti početka sveta ni.
A sad ono drugo o onom kaj ga je napravil. Striček sigurno ni, kaj bi on onda moral biti izvan ovoga sveta. Ak pripada ovomu svetu onda bi moral i sam sebe napraviti. Dobro, znam da se bu reklo da su to bezvezne pretpostavke. A kak drukše kad v pitanju se tak misli? Pa se pita, gdo je sveta napravil? No, dobro, morti je i to krivo v pitanju. Nemremo pripovedati o nekomu, kaj bi bil kak i mi ljudi kak del sveta ovoga. Ak bi pak on bil kak celi svet, je bez veze, da je on to napravil, kaj ni jasno od kud bi onda on bil.
Vite kak, čim malo počnem ljudski gruntat nema odgovora. Postane sve nekak bedasto. Tak je to pri nami ljudima. Mislimo da svakaj moremo i se zaletavamo. Sam ranijih leta razmišljal o svemu tomu i nis odustal da kak velim: 'Nemrem to znati. Poštivam i verujem.' Neznam zakaj, al ja to nemrem. Kak da pred istinom se tak ponašam? Če sam u sveta ovoga i če volim život, kak da verujem na slepo. Ja kad volim, onda to iskreno delam i se odnosim prema tomu. I ne kak nečemu kaj nemrem znati, nek se stalno trudim sve bliže istini i spoznaji biti.
Sam puno put čul kak verniki veliju, da je Bog sveta napravil. Oni kak da i znaju kak. Naj ne zameriju, al ja volim sve ovo i htel bi pravom onom, kaj je svetom predstavljen svojega života dati, kaj po njemu jesam, jer i svet je po njemu.
Da bi bolše videl o čemu se tu dela, sam gledal kaj se zapraf događa vu ovomu svetu. Velimo da vreme ide i da se sve menja. Pa lepo, a kaj se to menja i kak? Navek se menja nekaj kaj je samo zato kaj se menja. Kad se nebi menjalo, nebi ni bilo. Vite kak je to jenostavno, a nikoga ne čujem kak to tak vidi. Sam samo od Krleže lepo čul, da je rekel, da na svetu jedino mena je. Bravo Mirek. Lepo si to rekel. Naj ti Bogek duši spokoja da. Da, jedino mena je. Al se bi moglo još ipak pitati, a kaj se to menja?
Da bi to videl, se vrnem na sebe samoga. Je to tak i z menom, a tu onda to i videti bi mogel. Za ovu hrpu materije bi mogel reči da sam to ja, al samo zato kaj se menjam. Da se ne menjam, nebi me ni bilo, kaj ni vremena nebi bilo. Zapraf, vreme smo zmislili, da nam bi se lakše moglo razmišljati o tomu. I tu sam pak imal gonbanja, da bi videl kaj se to menja. Da nebi vremena bilo (kakti) nebi bilo ni atomih, ni mislih, ni ničega kaj je z materijom vu vezi. Zapraf materija kaj da ni ni, onak sama za sebe. I tak dojdem do onoga nekaj po čemu to sve je. Ni to ni materija, ni vreme, ni nikaj kaj si moremo samo tak zamisliti. To sve počne. Kad već tak lepo razglabam sebe, da vidim kak sam to ja postal. Od davnina se događalo vu svetu da su se razvili geni, pa organizirani obliki života. Su se stanice spajale i davale nove oblike. I tak je i z menom bilo. Mamica i tatek su kak i milijuni slično prije zgotovili to po čemu se počelo događati nekaj, iz čega sam se ja osetil. Ni početka tomu, bar ne tak kak bi čovek misliti mogel. Moj početek je još tam daleko, pri davnih pretkih i oblikih života. Je samo pitanje, kad sam se ja čutil, tak kak ja. Odjemput, kaj ne. To je kak početek. Zapraf ni. Sam onda tek svestan na neki način postal. Je to samo promena bila.
I si tak gruntam. Svi smo tak vu istom i svi osećamo kak smo to svaki za sebe. Osećaj je, al sve to je od navek kaj se stalno menja. A pri čemu i pri komu je to tak. E, to je to!!!
Nikaj tu samo za sebe biti nemre, od svega kaj si zamisliti moremo. Pa i naša misel je kak nekaj vu svemu tomu. I kad gledamo i mislimo, to delamo mi i baš smo mi ti kaj morti još samo falimo, da bi sve bilo zajedno. I onda ak hoću stavit se u odnos prema svemu kaj je, onda trebam biti kak da nisam, da svemu nebi još ja falil. Odem v celinu i nisam nek celina je.
Jako lepo, kaj sad mogu se odnositi prema celini svega kaj je. Znam da ja z svojim mislima, osećajima, delima sam kak del celine. Z tim onda mogu imati taj odnos prema celini, kad sam kak živi stvor. To je kak istina. Onda morem svemu reči fala i ta fala je moj odnos prema njoj. Navek sam po njoj. Nemrem ni videti, ni znati, sve kaj se v meni odražava od celine.
Tak to o tomu kaj je to kak ja to vidim. I to moje viđenje je odnos prema tome po čemu jesam. To ni priča vu koju bi trebal verovat. Sam sâm do toga došel. Kaj sâm? Ma ne, nek po promenama kaj su v toj celini se tak rihtale da je nastalo to baš tak. Prijatelji dragi kaj sam ja v tomu? Vremenom od postonka, vu ovom delu svemira, po svemu kaj je i bilo i bit će sada. Istina jedina jest. I zato moje najdublje poštovanje svemu po čemu jest postojanje prema čemu odnos imam i kaj je iznad moga života, kaj njime sam dat. Tebi jedino jesam kao i svi mi bili toga svijesni ili ne.
A kaj reči na pitanje ono? Gdo je sveta stvoril? A kaj da s veli? Pa počeci i stvaranja su samo u nas konačnih. Mi tražimo takve odgovore. Ako želiš odgovor kreni ga tražiti. Prave odgovore uvijek nalazimo sami. Oni su u nama, jer imamo odnos prema svemu čime smo činjeni. A jesmo li? Jedino po Tebi jesam.
Hvala na pitanju, ma koliko ovdje ukazivah na njegovu krutost. Poteklo me mislima i dušom.
Ako me pitate jesam li vjernik odgovorio bi. Tražim, putujem, osjećam Te, ja čovjek u svijeta po Tebi...
Prijatelji dragi, dozvolio sam kazivanje ovo po sebi, na način kako to ja vidim i umijem. Stasalo je to tako u mene. Radujem se postojanju uz zahvalnost Tebi po kojem jesam. Hvala Tebi Gospode. A Vama dragi prijatelji puno životne radosti i čistoće duše, jer ona je osnova puta Istini . Voli vas vaš Mladen

Post je objavljen 10.11.2006. u 14:19 sati.