Pregled posta

Rješenje go-problema broj 119.

Vidim da niko niš nije komentiral uz problem. Valda vam je bilo sve jasno. Ajd da to još jemput, al ovaj put ja, rešimo.
Može se brzo videti, da bi beli sve probleme lako rešil, ak vlovi točku F4. Se zbog toga ona zove životna točke. Kad bi bilo više točk, na koje bi beli živeti mogel, onda to se nebi zvalo životna točka. To je tak, ak je samo jena. Onak bi bile životne toče v množini, a kad ih je više ni zanimljivo, pa ih nikak ni ne zovemo. To znači da bi crni trebal belome to onemogućiti, pa on igra na to mesto. Znači da prvi je potez crnoga 1. F4.
Kaj sad belom ostane? Pa, probat nekak ipak vloviti ta dva oka. Zapraf, ak je problem ispraven, se to nemre, al obično ni to baš lako videti kak. Zato se i dela rešenje, kaj bi se videle sve te finte i štosi, kaj se tu skrivaju. Se to i tak ni treba izigrati če obadva znaju kak treba. Zgubiju tak morti neke ko-pretnje za neki ko. Se onda postavi rešenje i zna se kak treba, al se v igri ne igra, sve dok to nebi imalo nekoga smisla. Vu ovom slučaju je na kraju ko, pa se to odigra kad hoćete da se taj ko postavi i igra ko-borba. To pak ovisi o poziciji na celoj ploči. Je go igra nekak kompleksna i se treba o svemu razmišljati, kaj je vu vezi z tim. Ni to nekaj teško, al se prvo treba nafčiti gledati i razmišljati tak, da to se dela na široko. Ak vas zanima i ak ostanete uz go, bute sve to nafčili i se bude morti i malo promenili. Za nas, kaj se zabavljamo z goom, veliju da jesmo malo čudni il bar malo drukši. Z nas ni lako bedaka delati. Kak, kad mi to sami od sebe napravimo, al većina to ni ne vidi. Opet sam zabrazdil. Idem natrag na problema.
Je crni vudril v životnu točku, a beli bi moral na 2. F5. Htel bi beli, usput, napraviti oko, ak još dene na G6. Svakaj bi se tu dalo gruntati, al dva oka nebi zišla. Če beli proba dol na strane z D2, crni dene taj F3. Na taj bi nači crni zapretil odigrati na G5. Da se to ne desi, beli bi del na F5 i napal dva crna, a onda bi crni del na F1 i to bi bilo isto kak i v rešenju, kaj ga bute vidli, začas, tu niže.
Sad dojde na red poznata finta, kaj smo je v zadnje vreme vu problemima imali kak krunsku. Crni dene 3. F3!!! Vidite sad? Pak ona ista finta, kaj se obično s koom završi. Da, al treba to videti kad je još sve kak na početku problema, da bi se donele odluke za ova tri poteza na početku.
Već znate, da bu beli zel ta dva igrom na 4. E4. Al, ak ste se z tim zanimali u ranijim problemima, vam je već jasno da bute deli opet na isto 5. F3!!! Neda crni te točke belomu. Na njoj se bu zgradil ko. Beli bi mogel deti na G6 i delati si oko na G5, al bi crni onda del na E2 i napal beli kamen. Zgledi kaj da beli sad ima dribling da dene na F1, al to samo onak površno zgledi. Crni bi napal ta dva bela kad dene na G1, pa bi beli pojel onoga gor igrom na F4, pa bi crni pak napal dva bela iogrom na E1 il čak odmah del na D2. Ostalo bi belomu samo ono jeno oko na G5. Znači, ne vredi belome igrati na G6.
Ima beli ipak jen dober potez. To je 6. D2. Sad preti napraviti oko na E2, ak dene na E1. Zato crni odmah napada beli kamen na F2, kaj dene na 7. F1. Se tu sad dela o drugom oku i zato beli mora deti na 8. E1. Crni mora zeti ko 9. E2. Dakle rešenje je ko-borba na E2 – F2 !!!
Ima tu još nekaj da se nejasnoće razbistriju. Ak beli nakon napada na kamen igra na F4 i pojede crnoga na F3, crni igra na E1. Tu dol sad ni oka, pa beli proba na G6, da bi si oko napravil na G5, al crni dene na E2 i sad F3 više ni oko, kaj je v napadu kamen na F2. Če pak beli se obrani od napada pa igra na E2, onda crni uništi oko gore, igrom na G6.
Još i ovo, ak beli nakon napada na kamen, kad crni igra na F1, igra na E2, crni mora pak uništiti ono oko gor igrom na G6, a sad beli proba igrati na E1. Sad crni mora pustiti taj napadnuti kamen i igrati na C2, jer bi inače beli tu oko naredil. Oka drugoga pak nebi bilo.
Ste skužili da je belom jedini spas taj ko?
Dost gombanja. Bumo sledeći vikend pak malo, kaj ne? Si mislim da ima bar neko komu je ovo interesantno, a ak ni morti z vremenom neko pronajde to i počne rešavati. Vredi to kaj delam, makar se i samo jen čovek zainteresira, a ak ne, vredi kaj su mi namere bile dobre.
A sad idem pripremiti izvješća od petka vu Velebitu i turnir od subote v Gorici.
Lepi pozdrav bl. Muradenu - Luzer

Post je objavljen 06.11.2006. u 10:21 sati.