Pregled posta

Zajedništvom smo

Se sećam raznih stanja. Bilo je veselih trenutkov, al i tužnih. Bilo je stanja kad se ni znalo kaj bu, a dobro ni bilo. Već kak mali sam bil par put na granici, gde dalje više nema. Je tatek već razmišljal da bi trebalo sanduka pripremati, kad me krvava griža čapala. Sam ne ništ mogel jesti, i su svi već vidli, kak kraj dolazi. Sam još ne imal ni dve lete praf. Je malo prešlo, kak mi je sekica mrela, i su mamica i tatek već nadu gubili. Je bakica se setila drenka. Se vu narodu pripovedalo da zaštopava, a je to bil glavni problem. Me bakica šopala z drenkom. Mi noge vlovila z svojima. Z jenom rukom moje dve prijela, a z drugom mi rivala drenak v grlo. Zadnja šansa. Je drenak moral, kak vu flajšmašinu, vu mene prejti. I je me to spasilo.
Si znam razmišljati o tomu, kaj se do pripretilo. Se nekaj pri meni tak sklopilo, da se sve pomalo gubilo. Ni više snage bilo, a v meni je nekaj drugo zelo stvari pod svoje. Onak, kakav sam bil, nis puta videl i sam samo mira štel. Su bakica, mamica i tatek vidli da se nekaj mora napraviti, jer bu bracek prešel za sekicom. Bakica se setila kaj treba i je bilo tak.
Se onda sećam, kad me dedek napil. Je došel kčerki svojoj, da braceka vidi. Je tatek vinčeka na stol del, kaj je znal, da dedek to voli. Tatek ni vina pil, al uz dedu je malo i on trgnul. A bracek, kaj z njim. Je i on jen muški bil. Dedek je pozval braceka sebi. Ga posel na nogu i po malo braceku gimešteka daval. Sam to kak vodu pil, a mi nekak kiselo bilo. Je tatek dedeku rekel: 'Deda najte, pa je on još mali.' Al ni kaj got dedi na kolena biti. I tak, malo po malo, mi nekak čudno počelo biti. Je već mrak maha zel i mamica me v krpe spremila. I se sećam kak da je sad. Ono čudno je postalo grozno. Mi se kakti počel trevet vrteti v krug. Sam se vlovil za plahtu čvrsto. Jezika na stran del. Se cela soba vrtela. Sam štel vikati, al nis mogel. Grozno. Sam bil tek morti dve i pol lete. Ipak sam nekog glasa spustel. Se mamica poluknula. Me pokrila i prešla. Sam samo štel da se prestane krevet vrteti. Se dalje ni ne sećam. I sve se to prestalo vrteti, kaj je zaspal dedekov bracek. Je sad, kakti, pravi muški.
Sad nekaj od nedavo, kaj se mi pripretilo pred oko pet let. Me vlovil išijas. Nis mogel na noge stati, a praf ni ležati, kak me bolelo. Sam iskal pozicije za ležati, da čim manje boli. Nis nikakve medicine uzimal, a ni k doktoru išel. Kak me za vikenda vlovilo v ponedeljak nis na posla išel. Kaj sad, pa nis v stanju ni doktorici prejti. Problem je bilo i do zahoda prejti, a tek prava predstava je bila kad sam pišati trebal. Nis se mogel narihtati, a kad bi počel, je tak bolelo, da nis mogel. Malo po malo je išlo i to uz javkanje. Nis samoga sebe prepoznati mogel. I dojde k meni kčer mi Sanja. Vidi me v krevetu i pita me: 'Tata pa kaj ti je?'
'Ma, vlovil me išijas. Nemrem hodati, a ni ležati. Boli kak šašavo.', velim joj.
Gledi me i ne veruje, pa mi veli: 'Tata, pa ti bi trebal hodati.'
Čula je ona dost put kak ja filozofiram i pripovedam kak je volja važna, pa kak čovek puno put sam sebi prosudi. Je bilo to sve tak pametno rečeno, pa sad ona to meni na isti način. Gledim ju i si mislim: 'Viš kak je to kad se pripoveda i razmišlja, a kak kad te vlovi. Pa koji sam ja to bezveznjak. Pripovedal sam, a sad kad me vlovilo, nigde me ni. Pa kaj su to bedastoće bile?' Me nekak na mah sram sebe bilo. Sam se zdigel z kreveta. Ma, znam da ono nisu bedastoće bile.
Sam sâm sebi rekel: 'Naj sve popuca, naj boli kolko hoće, ja bum hodal.' Sam čist normalno počel hodati. Osetil sam onu tanku nit med vjerom i nevjerom. I kad sam primetil trenutak sumnje, bilo mi jasno. To je to. Točno sam videl gde je kaj. Od onda me više ni zabolelo celih pet let.
Zakaj sam to ovda spripovedal?
Ima v nama jena vaga. Na koju se stranu date, lahko se prevagne. Ni baš da je tak navek, jer je pitanje, kaj svega na vagi je. Ipak, ak prejdemo na dobru stranu, je veća mogućnost, da dobro bu. Puno put i bu, a ak smo na te strane, se nam lakše pomogne.
Kad me kak maloga vlovila dizenterija sam bil vu stanju bez snage i se događalo uništavanje svega kaj me još držalo. Je bakica drenka se setila, kaj bi samo zaustavil propadanje, a ja sam se onda mogel suprostaviti problemu. Drenak je samo zaustavil krvarenje, a ja sam se sam moral boriti, kaj bi ostal. Se tak čovek najde v situacije gde se prepozna ono kaj ne vredi i sebe i svoje moći. I sam tak ostal tu.
Kaj z onim, kaj sam po dedinom postal muški, kaj sam gemište z njim trusil. Je puno bedastoćih v životu. Od onda ne volim nikaj, kaj je z alkoholom u vezi. Zakaj biti veći bedak nek kaj jesam. One noći, kad sam v krpama z gemištima v sebi završil, sam isto fino osetil onu tanku crtu. Sećam se kak sam se molil, ni sam neznam komu, da se to prestane z vrtenjem. Od onda, kad bi se kak mali zmislil kaj je to mreti, sam si zamišljal, da se sve jako vrti i da je onda muka.
Prijatelji dragi, je sve to v nama. Najte se pusteti. Dršte se živlenja i verujte u dobrotu i ljubav. Če vam toga sad ni, znajte da o vami ovisi kam bute. Setite se svi dragih, pa i lepih puca il vi cure dečkih. Setite se dobrih ljudih. Pa vredi živeti za sve one kojima svoju dobrotu pružiti možete, za sve one koje još usrećiti možete. Ak mislite da za to snage treba, znajte, i treba. A zakaj je vi nebi imali. A od kud snaga dojde? Kad je imate, dajete je, da bi pomogli. Znači snaga ide putem svojim. Vite, u dobroga čoveka ona dojde. Od kam? Kaj da vam velim.
Celi ovaj svet je celina koju drži snaga dobrote i ljubavi. Vjerovanjem u to otvoriti ćete vrata Gospodnja. Naše duše su ta vrata. Tamo je začetak naših djelovanja. Neki veliju da snagom duha se čuda delaju. Ja bi rekel, da se snagom duha život događa i dobrota širi. I kada vam je teško i osećate samoću, posluhnite glasa: 'Dete Božje nisi samo. Vjeruj v dobrotu i ljubav kaj svet ovaj drži. Kreni i pomogni svima, kaj to još ne vidiju. Put tvoj je zajedništvom svih nas kaj vu svet jesmo.' Svaki to more, jer svi smo mi deca Gospodnja. Ne žuri nikam. Se oseti. Nek srce sluša. I nek životna radost vrne osmeh na obraze tvoje.
Već niz godina idem svijetom, a bio sam nekoliko puta u viđenju one tanke crte. Ona je uvijek ovdje uz mene, a ja vješto, vođen dijelima Gospodnjima, opstajem. U trenucima smirenja, okrenut dušom Tebi, klanjam ti se Gospode. Neka me vodi dobrota Tvoja.
Prijatelji dragi, htjedoh reči, vjerujte u život i čuvajte čistoću duše. Tražite put vjere, jer njome čete uklanjati zablude, kojih je život često pun. Neka to bude put iskrenosti kojom čete darivati sebe životu. To čak i nije darivanje, već možda bolje je reči, da ćete činiti po istini ne uzimajući prividno sebi ono što ustvari stvarno ni ne možete. Mnogi cijeli život prisvajaju svašta, da bi krajem shvatili, kako je to bila zabluda. Radujmo se životu zajedničkom poštujući zajedništvo i dobrotu, koja nam je Gospodom darovana.
Sve vas srdačno pozdravlja i voli vaš Mladen ...

Post je objavljen 03.11.2006. u 15:20 sati.