Živlenje polako ide. Svega ima na tom svetu, a nekaj se od toga i meni pripeti, na način kak ja to videti i razmeti morem. Bi se reklo da je to tak z mog vugla. To je pak baš tak, kak meni zgledi. Ono, kaj zapraf vu tom svetu je, se nekak zbire i dela promene, kaj ih morti čovek ni ne primećiva, il ih pak ni neće.
I tak se uglavnom furamo po nekim našim filmima, a ono kaj zapraf je, nas svaki čas pomalo, il malo više, iznenadi. Tak je to z vremena na vreme. Ta slika v nama nam nekak dela mesta za nekaj, kaj bumo delali, bar kolko se more. Ni bez veze to kaj si mislimo, i kaj si sveta delamo po svoji meri. Kad si tak nekaj zamislimo, nam se celo telo priprema za napraviti to kaj smo se zamislili. Tak si ja razmišlam, kak ni bez veze, si rihtati misli svoje.
Sam puno put videl čoveka, kak naopak dela. Kad čovek javče nad sebom, kaj da je zaprav bogec, mu sve v njemu se menja v bogečku situaciju. Če se zaljubite, vam celi svet lepo zgledi i vam srčeko lepo lupa i sve funkcije dobivaju neki lepi smisel. Se tak i više dopadnete. Reči bi štel, kak čovek more nekaj od sebe napraviti, i to z onim stvarima, kaj obično ni ne misli da bi mogel.
Doktori vam davaju lekove, odrezivaju komade tela kaj im zgledaju ne dobro, lečiju delove tela i sve tak. Ko pita kak ste vu duši? Od tam sve dojde. Če vam duša je tam, gdi joj je mesto i gdi sve na ovom svetu počne, se lakše sve drugo porihta, da bi dobrotom bilo na svetu, a dobrota je ta, kaj daje smisel svemu i razvija i čuva procese opstojanja vrednosti živlenja.
Tak ja to vidim i sam poštival, al ni čovek baš navek tak. Se valda događa, po malo, nekaj sitnoga kaj ipak nekaj odvlaći na drugu stranu. Sam si valda zamišljal, nekak preveć, da sam v tomu, a sam samo, kak i svi mi, samo običan čovek. Vu meni je još navek puno neznanja i želja, kaj nemaju potpore vu stvarnom živlenju.
Sam kak mali još razmišlal, kak ima pravi put na kojem je sve ispravno. Put na kojem se događaju čuda dobrote. Je mi to logički zgledelo, al nis nigde videl, da je neko tak il da je bil. Su bile pripovesti o mudracima i svetim ljudima. Sam si mislil, kak su oni kak čarobnjaki. Vite, tu sam, zgledi, prešel malo preveć na stranu od onga kaj je. Si tak razmišlam o Isuseku, Budhi, Muhamedu i još njih. Znate kaj mi je sve jasnije. Su oni samo ljudi bili. Svi su mreli, svak na svoj način. Su videli kak Bogek dela vu svetu i osetili ljubav Njegvu. Nema čarolija van sveta Gospodnjega. Čarolija je ovaj život naš. Vu njemu su sve dobrote i prilike da je najdemo. Su oni to šteli preneti ljudima, kaj nisu to videli, al su telom bili ljudi, kojima je telo delalo kak i svima. Duh im je bil tam, gde se more delati dobrotom, kak sam tu gor rekel.
Sve to tak velim, da bi bilo nekak vidljivije, da dobrota ima v nama svoje mesto, a je trebamo pusteti da u sveta ide. Treba delati po njoj.
I tak sam si ja razmišlal i vu mislima prešel vu duhovne vode, a telo je kak je znalo. Mu nis puno smetal, kaj mi se čini da duh ni uništaval osnove, al sam puno put bil nezadovoljen z sebom. Je bilo i razlogov. Sam po telu određen kak je po mami i tati genima došlo. Mi je pokojna mamica rekla vu zadnjem svom letu jemput: 'Bracek, kaj sam ti baš to morala ja ostavit.' Sam bil friško registriran šečeraš, kaj je nju jako pogodilo. Je prešla z komplikacijama šečera. Zadnje lete ni ni videla, a i obadve noge su joj prešle. Znam kak joj je bilo i kak je bolelo pri kraju. Se sećam kak je puno put i dost prije bila jadna na nepravde. Ju je to koštalo zdravlja.
Kolko put sam joj rekel: 'Mama nemoj tak. Pa samo sebi zlo tak delaš. Viš kak se loše osećaš.'
Mi je znala na to reči: 'Braco, kad nemrem.'.
Sam gledel de to počne i zakaj tak dela. Bilo je to tam negde duboko v njoj. Je gutala i zbirala vu sebi i ju je to vnutri pomalo drobilo. Kolkih sam joj suzih videl.
Su leta prošla. Mamice već dugo ni, a i tateka isto. Hodim svojim putom. Je već fajn letih kak sam registrirani šečerko. Se trudim ne biti v duši kak ni dobro. I ne samo zato, da me cukor ne smlavi, nek sam videl, da to je put živlenja. Sam već nekih 18 let šečeraš, a celo vreme se furam na jen i dva euglukončeka. To su male tabletice, kaj stimuliraju gušteraču, da bi dala malo više prirodnog inzulina. Taj pak pokupi cukor v krvi i napravi hranu za stanice. To je životni proces hranjenja stanica. Kad to ne dela, vu krvi ostane puno cukora, a on v krvi ni dobar vu velikim količinama. Je agresiven i zna trgati male krvne žile.
Vu zadnjih pet let skor da se nis ni kontroliral, ni išel k doktoru za to. Nis ni razmišlal o tomu. Sam znal tu i tam reči, kad bi me neko pital, da kakav je to život, kaj ga v strahu imam. Naj bu po Bogeku z mojom svesti. Je, al telo je ipak imalo takve mogućnosti i se po malo nekaj menjalo. Sam odjemput počel slabije videti na desno oko, pa onda duple slike. Sam odlučil iti doktorima, da se vidi kaj to je. Su me naručilli za mesec dan, a sam im rekel, da ko zna kaj bu do onda. Vite, kak sam odjemput se splašil, kad sam videl, da je voda do grla došla. Kaj da sam veru zgubil. Za mesec dana tog čekanja, je dupla slika prešla, al i dalje na desno oko vidim skroz bez veze. Če zažmirim na levo, skor i ne poznam ljude.
Pri doktorici ni bilo baš pohvalno. Desno je oko katastrofalno, a i levo je već načeto. Mi veli da bu se to moralo iti na lasera i to z obadva oka. Si mislim: 'Bogek moj. To je zgledi to.'
Sam tam čul i to, da moram iti na Vuka Vrhovca na obradu i da bi ja trebal iti na inzulina.
Sve to sam ja znal i sam tak pripovedal pri sestri vu svoje doktorice, da mi treba uputnica za tam, al je ona rekla, nakon kaj sam rekel svoje, da moram ili tu kod njih. Ja, tvrdoglav, se nebi pikal samo tak. Znam kaj mi je i da je došlo vreme iti tam kam bi spadal. Specijalistički V. Vrhovec je za to. Kak pravi Zagorec, ja bi im svima pripovedal kaj treba. Vite, to mi ni vredu.
Sad si razmišlam. Pa, kaj, tak je. Je fala Bogeku tu medecina i se taj cukor nekak ipak more srediti. Sam čul da se ljudi držiju i prek 30 il 40 let na inzulinu. Pa ja bi za to vreme i stotku vlovit mogel. Bum se pikal, pa kaj. Si bum tak i dalje z ove strane Bogeka imal. Se, kakti, nudim Njem.
Nek, znate kaj mi teško padne pri razmišlanju. Da nebi niš videl, kak bi na bloga išel? Pikal se bum, ak treba, navek. I tak sam si čitavog filma zvrtel vu glave, a tek sam prvi pregled pri okulistici imel. Tak vam je to zmenom. Znate ono kaj Špišić peva o Peri i biciklu. Tak nekak. To me puno put v životu zaustavilo vu raznim namerama.
Znate kaj, pa ni to niš grdoga. Kad se bum pikal bum bar mogel normalno jest. Sad mi se već trbuh skroz skvrčil, kaj ni nemrem puno jest, a sam i dost zmršavil. Jedem kak konj zob vjutro, a prek dana uglavnom mleko i mlečne stvari. Malo salame, tek kad me nekaj vlovi, da telo baš hoće, a onda odmah znam da to ni vredu, al kakti moram.
A sad idem dalje. Nekaj se bu promeniti trebalo, al se bu išlo. I dalje bum tu i dalje vas bum sve volel. Morti još više. Kaj da bum više cenil života. Kad se oseti kak nekaj polako izmiče, se više voli i ceni. Prijatelji dragi, čuvajte si zdravlje. Najte se razbacivati. Ni nam je za to dato. Bogeku fala kaj jesmo i naj bumo dobri, da to dura, da bi se volelo. I ni važno jel su to vrapčeki, peseki, travica, potoki, oblaki ... Važno je, da fala Bogeku, na svemu tome. I na vama dragi moji kaj vas sve srdačno pozdravlam i volim. I ni to niš strašnoga, samo se nekaj promenilo bu malo. I dalje sam na istomu putu. Vaš Mladen
Post je objavljen 31.10.2006. u 11:05 sati.