Pregled posta

Rješenje go-problema broj 118.

Dobar vam tjedan želim. Počelo je v ponedeljek z suncom, al pripovedaju, da dolazi zahlađenje i da bu kiše bilo. Da je hladnejše, su pogodili, pa čak i to, da sa severa puše. Kak su počeli z pogađanjem, verujem da bu i kiše bilo. A, jeste se nasanjkali danas i došli vuru prerano na posel il školu?
Ajmo mi na problem. Pak je tu nekak, kaj da se beloga zrušiti nemre. Ak bi jeno oko bilo tu di je jen crni kamen, onda bi drugo trebalo bili na D2 il F3. Se bi sad pitati moglo: 'Kaj crni more tak zrihtati, da se jenio od ta dva onesposobi, da bi se drugo moglo zeti.' Kak sad to, kad se jeno ima, jeno se zeme i ono jeno još ostane, pa su to sve skup dva za beloga. Ne vredi. Onda treba, valda tak, da se jeno namerava zeti i to se tak napravi, da se uzput i još jeno zapreti zeti. Kad tak bu, se ono treće zeme, jeno se ostavi belom, a za ono zadnje se bori. Znam da ste razmeli, kaj sam rekel. To mi i namera bila. Pa, ajmo po redu.
Sam rekel da se počnemo ritati za jeno, kaj bi ga šteli zeti protivniku. Bumo to tak, da se bumo probali zvleći z kamenom na D4. To zgledi čist nemoguće, a i je. Taj se kamen spasiti nemre i je čist čudno kaj to probamo. Zapraf i ne probamo, nek je namera vloviti križišće na E4. Da ne pripovedam preveč, nek najbolje da odigramo taj prvi potez crnoga na 1. E4!!! Tak sad belome damo mesto onoga jenoga na D4 još i ovoga novoga na E4. Naj mu bu, kaj nam kamenje ni ni važno. Važno je, da on nemre deti na E4, kaj bi tak imal dva oka.
Ste sigurno odma skužili, da bi crni štel se spojiti na E5. Če bi to napravil, beli nebi šansi imel, kaj dva oka nebi ni v panju imel.
Prosim lepo, tak. Belom ni drugega, nek deti na 2. E5. Dva crna su v reštu, al još navek na ploči stojiju. Imaju još jenu slobodu na D3.
Sad je na potezu crni. To je ono, kaj je crni i štel. Sad bu on pravdu krojil, a to mu je važno. Vu ove igre je dost važno, da se određuje kaj igrati. Ni dobro da vam protivnik diktira kaj morate, jer bu vam nekaj grdoga napravil, ak tak ne delate. Se to zove igra s tempom. Japanci to zoveju 'sente'. Zapraf i svaki sente ima svoju vrednost. Glečte, ak vas protivnik hoće tu zrušiti, a vi ne reagirate, vas zruši. Lepo prebrojite kolko sve to vredu vu poenima. Kad zbrojite, znate kolko bi zgubili, pa onda možete prejti igrati negde drugde, gde morti više vredi. Razmete? Ak se protivnik tam drugde počene braniti, tam napravite, takvom igrom, neke poene, pa se vrnete natrag i obranite. Ak, pak,protivnik vas tu zruši, vi imate još jen potez negde drugde. Kaj velite, ha, matematika? Da ne mudrijam, kaj sve to morete z vremenom i sami razmeti, za koju godinu il morti još i prije.
Da vidimo, kaj bu to crni odigral. 3. G4! Vas to morti podseća na ranije probleme? Razlika je v tomu, kaj je ovo okrenuto za 90°. Napadnut je beli kamen na F4. Beli ga nesme braniti spajanjem na F3, jel bi crni odigral na E1 i ostalo bi belom samo jeno oko i to ono gde su dva crna kamenčića na četvrtom redu.
Pa, kaj onda da beli dela? Prvo treba pročistiti direktnu pretnju z kojom mu je napadnut kamen na F4 i on zeme dva crna igrom na 4. D3. Crni, na to, pak postavi isto i igra opet na 5. E4. Beli sad opet isto dela, al sad zeme samo jenoga z 6. D4. Celo vreme beli nesme na F3 iz razloga kaj bi mu samo jeno oko ostalo.
Crni sad igra krunski potez na 7. G2!!! Beli pak nesme spojiti na F3, jel bi crni del na E1 i pak bi belom ostalo samo jeno oko. To znači da beli mora na 8. E1. Sad ima to oko na E2. Kaj je z drugim okom?
Crni sad zeme kamen na G3 igrom na 9. F3. Tu počinje ko-borba čiji je razlog oko na E4. Ak crni uspe zadržati svoj kamen na F3, beli nema oko E4. Crni je prvi zel ko i beli sad nesme igrati G3, nek nekaj drugo na ploči. Znate već kak ide to pravilo koa.
Onda, kaj velite? Kaj ni pravi bil? Ma, sličan je na hrpu ovih prije, al je ipak malo svoj, kaj ne.
Sad malo predahnite do petka, kad dojde novi problem. Ni dobro preveč, kaj bi vam gušt bil manji.
Lepi pozdrav bl. Muradenu - Luzer

Post je objavljen 30.10.2006. u 09:05 sati.