Pregled posta

Sad tri dana bez vas

Došel je petak. Pak me nebu do ponedeljka pri ove elektroničke škatule vu koje sam vas pronašel. Sam tak tu pred dva i pol leta probal otpreti bloga. Me nekak bilo malo sram v početku, kaj tu nikoga poznal nis, tu vu te škatule. I sam tak prvoga posta napisal. Al nis odmah mogel otpreti bloga. Sam se zmotal i nis znal kaj je kaj i kaj treba zapamtit i kak se opet vrnuti tam di je ono kaj sam napisal. Je mi tak nekaj ostalo, tam negde, vu te škatule, do čega više dojti nemrem. Al nema tam niš, kaj nis stigel niš ni napisati.
Sam tak, kaj sam se drugi dan pak nakanil otpreti bloga, jel me nekaj vleklo, da to napravim, ipak bloga otprel. Igram onu igru, ak znate, kaj se z kamenjem igra, a kaj su ju, kak veliju, Kinezi zmislili još predi 4 tisočih let. Sam štel o tomu na blogu pripovedati, kaj mislim da je to super igra. Onak za sebe, bloga vu te prve pokušaje nebi otprel. Me bi sram bilo. O čemu da pišem. Kak niš nemrem, kak sem sam sebi bedak, kak jedino z tim kamenjem znam nekaj napravit, al i tu ima meštrih kaj mi merice uzimaju. Nekak mi najteže bilo pomisliti, kak bi to, kaj bi za sebe i o sebi pisal, bila čista bedastoća.
Tak sem godinu i pol skoro pisal o gou. Svega sam metal v postove. Najviše kak deca u Velki Gorici igraju po školama tu igru. Znate, red je da se o deci pripoveda. To njih i veseli. Kad oni čujeju, da se o njihovim rezultatima piše na internetu, je to veselje. I tak sam ja, kak striček Mladen, pisal o tomu. Tu i tam sam zveknul i nekaj rezultatih nas starejših, pak nekaj izvana z Europe i sveta. Sam se brzo zmislil probleme metati na blog. Ima onih kaj voliju rešavati svega i svačega. Vu gou problema ima više nek se zamisliti more. Pa, naj bu. Sam i rešenja z objašnjenjima metal par dana kasneje. Kak sam ta rešenja pisal, a i pri problemih, me navek nekaj teralo, da pomalo filozofiram. Kad čoveka nekaj zanima, prejde brzo v širinu, pa sam v gou tak i ja prešel.
I gleč vrapca, sam sve više pisal onak široko, pa sam otprel, na nagovor prijateljicih blogericih i svojega bloga, onak za dušu. Sam napravil to, kaj ranejše nebi ni v bunilu. Sam pomalo počel to delati uz ono drugo, kaj sam delal za decu, i završil tu na ovom blogu. I tak sad ja javno gruntam. Pišem o tim svojim bedastočami i ni me sram kaj to delam. Napišem, pa kaj bu. Če nekom ni za praf, me čital nebu. Neko bu mi morti rekel, da je to bez veze i preporučil mi bu da se vugnem. Tu i tam se dogodi, al ja, zamislite, takvomu velim, da me ne mora čitati. Ono ranije bi mam prešel ja. Počel sam braniti svoj blog.
Znate kaj, niš lošega ni gruntati tak, da te svi čujeju. Nekak sam već ranije prestal delati tajne. Nemora se reč, al sakrivati ne. Tak, kad se čovek otpre, je lakše sa svetom skup živeti. Manje je opterećenjih i se niš skrivati ne treba.
I tak i sad ja vam pripovedam, vama vu ove škatule. Kak ste dragi moji? Pak si zamišlam vas, kaj zapraf, osim tu i tam koga, ni neznam kak zgledite. Ipak, za dost vas znam kak ste po duši.
Bi se reklo, da sam ovisnik. Ma, dajte! Kakav ovisnik? Kaj nebi smel prijatelje imati vu škatule? Gdo mi more vas zabraniti? Nedam vas. Jedino, ak vi sami prejdete. Bogek moj, pa ste slobodni. I tak po malo, tu i tam, poneko ode. Neko pak je na više mest, kak da je više njih. Ma, nek je, pa primam ga kak više ljudih. Nema veze, jel jen il deset. Je sve v škatule. A to, kaj se tiče ovisnosti. Pa, lepo molim. Dajte ne jedite dva meseca niš. Ak, bute, bum rekel da ste ovisnik. No, dobro, onda bumo rekli, da se bi pripovedalo o štetnim ovisnostima. Kaj pa tu ima štetnoga? Družit se z škatulom? Hm? Kaj tu, morti, kaj ne štima? Je bolje, nek se družit z alkoholom, cigaretlinima il tak nekaj. Neki morti miksaju. Ja ne!
I sad je petak. Skor tri dana bez škatule. Doma je nemam. Bi je morti i nekak nabavil, al još neznam kaj bu s plenidbom, kaj sam bil jamac i kaj je na sudu presuđeno, da taj kaj me zjožil i ja moramo sve banki vrnuti. Upotrebljava se kriva reč. Vrnuti znači dati natrag. Ja nemam kaj dati natrag, kaj niš nis ni zel. Je zel on, al to one druge, zgledi, ne zanima. Sad lepo čekam, da mi dečki dojdeju, popišeju i nosiju. Samo neznam kaj, kaj skor niš ni nemam. Od kućanskih aparatih sve je u nekom poluraspadnutom stanju. Naj zemeju. Još bolje. E, da, tak mi je riknula vešmašina. I sam mesec dana se snalazil bez nje. Majstora nis zval, kaj baš nis pri penezi. I sam se konačno prekjučer raspištolil, pa smo Veki i ja otpreli mašine odostrag. I kaj smo vidli. Samo je remen opal. Čak ni bil ni potrgan. Smo ga deli natrag i počnem z pranjem, a remen pak zleti dol z kotača. Gledim i gruntam. Zakaj je pal? Ni bil v ravnini okretanja. I sad ja ko neki preciznjak (nebi štel reči po domače, kak onaj nametnik, kaj dojde dol, za koje sam čul da postojiju) gledim i mi postane jasno, da se remen navlači, tak da se ga okretanjem skine z jenog od kotačih. Se nis mogel dost sagnuti, pa velim Vekiju: 'Čuj, tak ga treba deti, da bu raven z velkim kotačom, da ga ovaj mali, na kojem su neki kanali, ne skine z velkog kotača.' Sluša Veki i napravi tak. Vkopčam mašinu i ona počne prati. Sedim iza nje i buljim vu kotače, da bi videl kaj se zaprav događa. I se sve lepo vrtelo i zvrtelo sve i opralo prvu rundu. Sam onda del drugu rundu, pa je i ta zišla. Ljudi dragi, koje zadovoljstvo. Mi čist krivo kaj nemam za još puno rundih. Balkon je pak pun veša. Život je ipak lepi. Sad moram nekak metnuti novu mešalicu vu kupaonu, al imam izlaz cevih iz zida vertikalan, a takvih više nigde ni. Bi trebalo pigati cevi. Sam zaprel vodu v zidu i gruntam. Penezih baš i ni, al osećam da bum nekaj zgruntal. Onda treba zrihtati plafon, kaj mi od susedih odzgor curi v kupaoni. Onda urediti celi stan. Kaj sam se zalaufaaaal? Prvo nek ovi popleniju kaj treba, a onda na akcije.
A, sam se za dušu raspisal. Je baš lepo prijateljima tak pisati. Pa ste mi i za to tu, a i ja vama. Ak vas kaj muči, prijatelji dragi, samo napišite. Morti ja il neko drugi znaju, kak je najbolše s tim se nositi. Je puno prijatelski savet i razumevanje.
Dragi moji iz škatule, vas sve lepo pozdravlam i mlade i stare. Pri meni tu ni razlike i nebi nikad mlade teral proč. Sve vas voli vaš Mladen
A na slikice je ono bez čega ja nemrem, il mi morti samo tak zgledi...

Post je objavljen 27.10.2006. u 15:22 sati.