Marketing
Sveopći preserans (dio sedmi)
Bušić
Veli namin naš Super Hik da je Zvonko pijonir rvacke slobode, hik! Bogami – mora da naš Šeki zna ča govori! Mora da je u pravu Hik, hik! Zna on ča je to bit pijonir i kako je to unda bilo. Zna on ča su oni nas pijonire malene ućili i naućili. Crvena marama gori - bile bičve doli, modre gaće doli - bila bluza gori, pa udri pismu junaćku:
Pi-jo-niri maleni mi smo vojska prava,
Svakog dana rastemo ko zelena trava,
Smrt va-šizmu a slo-bo-da narodu,
I mene je moja mati - naućila avijona otimati!
Jadnici
A unda je jedna primitivna pijandora došla doma pijana ko pijani gudin. Pa je unda pijani gudin ženi reka vako: Di si ženo pićkalitimaterina! –i opalija jon za pozdrav dvi-tri priko ćunke, iz ćiste jubavi. Pa je unda njijov 10god. mali koji je sve to gleda - uzeja noža da iz ćiste jubavi poškaklji ćaću ispod rebara i da od silne jubavi obrani mater, jer una bidna toliku jubav nemere probavit sama. Pa je unda glupi susid koji je bija ljubomoran na tu nevirovatnu kolićinu jubavi – nazva policjote. A je glup.
A ovi su glupi kaki su, sve kolpletno krivo svatili. Oni su misto ćiste jubavi vidili niko nasilje božesaćuvaj. I niko zlostavljanje. I niko pijandovanje. I nike modrice. I nike jauke (kamo sriće da su vidili i niko odupiranje policijskon tretmanu pa potegli pedrekon dva-tri-četr-pet puta). I sve nešto ča sa ćiston jubavi nikake veze nema. E svašta. I onda su to lajavi kaki policjoti već jesu, sve lažno javili na gudinovo radno misto u poznatin rvackin novinaman.
A unda je ženi došlo iz gujice u glavu da će morebit gudin ostat brez posla, ona brez para, dite brez ´kuće – pa se stala ćudon ćudit da ča je ovi svit poludija kad ne razumu ča je jubav – jubav do bola.
Ma bravo ženo, glavno da ti voliš muža, da un voli tebe, da ti je dite sritno i da se voli igrat nožima i da se ne prezivaš Magaš.
A ko je namin svitu kriv kad smo tako brez-osićajni i ne razumimo kuaca tebe ča je jubav.
Tajne službe
A Rvacka od danas laške diše! Tajne službe rvacke - su dobile šefove. Doduše oni su javni i nisu tajni, ali jesu tajni jer su in službe tajne iako javne, a i oni tajni nisu jerbo ovi naš svit zna ko su i oni i ko in je i mater i ćaća i treći stric od bratućede rođaka tetka, jer da ne znaju ko su oni i ko jin je treći stric od bratućede rođaka tetka – e tek unda bidne službe ne bi znale ko jin je šef! A složit ćeš se svitu moj da šefa tajne službe tajne službe tribaju znati, jer da ga ne znaju više ne bi bilo nikaki tajni ko tu koga da prostite.. jeli.. jer je bitno da i tajne imaju tajne. A za ostalo ćemo lako. E.
Shakespeare
A uni ludi Gadafi koji i nije tako lud kako se pravi da je lud ali je lud jer svi velu da je lud - veli da je Koka-Kola afrićka i da amerikenjci tribaju bidnoj popljaćkanoj Africi plaćat odšćetu i da je Šekspir bija arapski šejik. Zna ćovik šta govori. Vidi on da je cili svit popizdija, da Buš ćini i govori sranja, da UN ladi jaja, da ga niko ne jebe ni pet posto, pa si misli: A ča i ja ne bi reka koju?
A e, nije un uzalud godinaman živija u šatoru, drža ženskinje za tilohranitelje i zajebava cili svit. I konaćno - nije on uzalud toliko godina pušija travu! A borati - prosvitlilo mun pamet! I svaka mun je na mistu.
Samo me jedna stvar malo ka mrvu zbunjuje. Kako se u sve to uklapa - Šekspir?
Post je objavljen 13.09.2006. u 20:18 sati.