Pregled posta

Idem v nedelju na Puntjarku ...

... da se malo razgibam.
Navek nekaj gruntam. Velim kak je nekaj dobro i kak ni dobro, da ni dobro, i da bi trebalo delati tak, da bu dobro i na nekakvi način tak delati, da ono kaj ni dobro više nebu. I tak pripovedam drugima kaj im ne vredi i ka treba menjati to kaj ne valja. I tak mi lepo vreme ide v tom mudrovanju.
Pripovedam kak nekaj treba delati, a sam niš od toga. Ma dobro, puno toga kaj ne valja ja ne delam, il mi se samo tak čini. Ne pušim, ne ločem, ne razbacivam se z novcima, al se nekak v zadnje vreme premalo gibam. Zadnji put sam na Slemenu bil prije četri lete. Zapraf na Puntjarki. Prije toga je isto tak dost vremena bilo bez pentranja po brdima. A volim se špancirati. Kak mladi sam retko išel po gradu z tramvajem. Sam kak dečko doma bil iza Dinamovog u naselju, a sam skor svaki dan bil v klubu gde sam igral go ili prije toga šah u centru grada. Sam navek peške doma išel po Socijalističke revolucije. Skor redovno polako išel i si putem štundjeral o svemu i svačemu. Navek sam bil filozofski napaljen i to onak sam za sebe. Mi ni trebalo imati nekoga, da se pred njim pravim pametan, kak ja nekaj znam. Kaj se svega po moji glavi plelo vu takve cajte.
Ovu sredu su se nekolicina prijatelja blogera, a tu podrazumevam i blogerice, našli na Jarunu vu jenoj birtiji. Videl sam izvješće kod Darkwolfa. Bilo je klope, pivice, kavice .... i družilo se. Lepo. Sam ja rekel da morti dojdem, a nis. Zapraf mi nekak i ni to v birtiji praf. Već neko vreme si razmišlam da bi moral se pak malo pokrenuti. Puntjarka kak da me zove. Pa, zakaj nebi išel v nedelju tam i lepo svima velim, da pem tam. Dal bi tak nekima morti ideju, pa se morti još ko od blogera ili blogerica odluči gor se popenjati. Neki bi mogel i z autom tam dojti, makar to ni neka fora, al za druženje bi bilo OK.
Sam si mislil da nebi bilo dobro da nas vlovi kiša na pentranju, pa sam pogledal prognozu preko googliča za 7 dana i vidim da je na redu dulje sunčano razdoblje. Sve nam ide na ruku. Na Puntjarki ima dost mesta, dost stolova i klupa vani i nutra, dobar grah z kobasicom il kaj drugoga. Fini friški je zrak tam, a to ni ne treba reč.
Onda škvadro blogeri, dajem vam ideju za nedelju. Puntjarka na Medvednici iliti Zagrebačkoj gori. Ja pem iz Gorice, a si mislim biti oko 9 vur na Mihaljevcu, a onda do Tunela, pa pored žice, pa dol prek ceste na desnu stranu, pa v breg sve do Puntjarke. Valda bum oko 11 vur došel do gor. Najdemo se gor, a možda i po putu, ak ko ide.
I znate kaj sam si onda počel razmišljati. Zakaj nebi, mi neki blogeri i blogerice prirodnjaki, tak počeli češće delati. Imamo tu blizu još toga kak Žumberak, Samoborsko gorje, Vukomeričke Gorice .... Četvrtkima i petkima bacimo prijedloge i se na komentare zdogovaramo i najdemo negde. Neko zeme karte, neko loptu, neko ko zna kaj. Neko morti nekaj i dopela z autom. To o auto za one kaj se teško gibaju. Neko morti donese i lap-top na baterije na satelitsku vezu. Vauuuu. Digitalni fotić! Sad sam već počel maštati.
Niš, da ne frflam. Ja v nedelju idem na Puntjarku. Pete i vi? Bi se mogli tam najti i si malo popripovedati, baciti belu il ko zna kaj.
Onu drugu nedelju idem na Pohorje. Tam bum na nekom turniru u gou, a si bum malo i prošetal po Pohorju. Sutra v subotu nemrem, kaj igram na jenom turniru. Sam malo vudren na tu stranu, kaj volim se igrati z crnim i belim kamenčićima. Ak koga zanima mu mogu na Puntjarki reči kaj to je.
Lepi pozdravi i se neki morti vidimo v nedelju na Puntjarki.
Sve vas srdačno pozdravlja i voli vaš Mladen

Post je objavljen 08.09.2006. u 08:41 sati.