Dobro jutro, kak ste? Vikend je prošel, a bogme i školski praznici. Godišnji su takaj pri kraju. Zapraf su prošli. Sve je nekak prošlo. Kad sve projde se pitam kaj ostane. Pa, valjda nekaj? Hm, kaj vi mislite?
Ajmo mi na naš problem. Vreme je za rešenje.
Već sam u petak rekel da je slično rešenje ko i u nekolko ranejšuh problemof. Ak je tak onda je početak rešenje 1. D1. I je. A zakaj? O tom sam uglavnom pripovedal u ranijim rešenjima, al je ipak malo različito. Sad je pretnja bila da se za crnoga nastavi na C1 i oči se više nebi moglo napraviti. To beli proba sprečiti igrom na 2. C1. Vidite, kak to, kaj da voda ide na mlin crnomu i da sve nekak postaje slično onomu u nekolko ranijih problemih.
Se sećate kaj bi sad išlo. Pa, 3. D2!!! Razlog je kaj i tam. Sad beli zeme ta dva crna i igra na 4. E1. Kombinaciju već valda znate. Crni igra opet na isto mesto 5. D2. Uporno napada beli kamen na D3 i tak proba onemogućit oko na E3. Ovo drugo je, zapraf, pravi cilj. Ak bi taj E3 postalo oko, onda bi drugo bilo tu na D2. Protiv toga se crni bori!
Sad beli zeme i taj kamen crnome igrom na 6. D1. Poglečte situaciju. Kaj velite? Beli ima rupu (oko) na D2, a drugu (drugo) bu valda napravil tu na E3. Da, valda, al....
Crni dene na 7. F3! Beli bi sad moral sve to, skup z tim kamenom crnoga na F3, okružiti i deti u svoj posed. To zgledi kak sigurno moguće, a i je. I tak sad beli odigra 8. G3. Crni se više nemre povezati na desno s onim crnim štapom na J-vertikali. Zgledi kaj da je beli rešil sad sve probleme i zaživel.
Crni, ipak, zadnjim snagama igra na 9. E3!!! To vam je kak da kaču utamanite z nekom letvom i onak kak sigurni joj pridete, a ona vas onak potrgana čapi i vgrize. V našem primeru i ni vam bilo spasa i se samo činilo ko da je. Se probalo, al ak crni sve dobro odigra niš se ni moglo. Poglečmo još, kak sad to zgledi. Crni je napal beli kamen na D3. Ak beli sad spoji na D2, više nebu imel očih. Takav bi skroz opal. Samo jeno bi mu oko bilo tu de su dva crna kamena, a to mu ni dost.
Da se sve to ne pripeti na taj način, beli igra na 10. F2 i napadne ta dvba crna. Zadnja im je sloboda na F4, al more zeti i beloga na D3. To i dela i igra na 11. D2. Jel vidite kaj je to sad. KO!!! Beli nesme sad odmah zeti crnoga igranjem na D3, nek negde nekaj odigrati na kaj bi tam crni odgovoriti moral. Tak bi se stvar na ploči promenila i beli bi smel zeti natrag. To je ko-borba. Reči bi štel da je rešenje ko-borba!
Lepo. Još jenoga smo spravili med rešene probleme. V petak idemo dalje z novim problemom.
Lepi pozdrav! Problema s rešenjem objasnil bl. Muradenu - Luzer
Post je objavljen 04.09.2006. u 08:27 sati.