Marketing
Pozdrav iz novega obitavališta!
Napokon. Aleluja, ili kako bi rekla moja Vinkica: "Jupi, novi stan". Dobro, baš i nije novi, ali je pinku komodniji i barenko se ne triban tuširat u nastavcima, ka dosad. A da ne zaboravin zle jezike, koji kažijedu da se opet nisan daleko maknija od matere. Dapače, sad Vinka kad se najidi more uteć u babe i dida brez da prilazi cestu. Samo osan skalini 
A i zimi neće bit loše, jerbo su sa juga VELIKE ponistre i neće tribat puno grijat. A i stan je u sredini, pa ćemo se malo grijat na playback 
Je da je meni drago, ali mi je bitno da je Vinka to super podnila. Bilo me je pomalo straj njezine reakcije, ali bilo je, ća bi rekli sportski komentatori, daleko iznad očekivanja. Isplatilo se malo pripatit pa prinašat, naravno, ništa bez pomoći prijatelja. Slaven, Veliki Ante i naročito Mali Ante. Ionako san činija cca otprilike ijadu skalini dnevno, a da mi nije bilo nji, osušija bi se skroz, i nestali bi ovi svi brižno skupljani kili, sve ovo ča su moji zubići godinan nabacivali. Da ne spominjen da bi prinaša još deset dan 
Kupamo se, kako ko i kako di 
Meni je isteka ovi moj NAMJENSKI mini godišnji, danas je prvi radni dan 
, ali eto, nadan se da ću priživit. Još nan je u staromen stanu ostalo samo (ne zajebajen se) obrisat prašinu i učinit primopredaju, a doli, u novome, je još sve na jarpi. Pomalo i to sređijemo. Nisan ništa ni pisa jerbo doli niman internet, tj. ADSL, a tlaka mi je priko modemske veze bilo šta radit jerbo smo danas svi (mea culpa!) postali megalomani pa se deboto svaka zanimljivija web-stranica priko modem vulgaris obične starinske veze učitaje priko svake mire dugo ...
Stvari pomalo dolazu u red, mala Vinka uredno se popravlja, oću reć već se rekuperala, ne triba je pitat (nutkat da jede, za sjevernjake), ka ča se i vidi, malo u jedne, malo u druge babe,
a kako su, fala bogu zdravstveni problemi izad nas, mala se okrenila profesionalnoj orjentaciji. Sve mi se čini da naginje pedikerskome zanatu, a ovi put je za trening poslužila materina noga. Neka. Neka se mala na vrime uči začas će matura 
Stojte mi dobro! 
Post je objavljen 08.08.2006. u 09:42 sati.