Marketing
Kako popit tri litre vina u 3 sekunde?
Dvi litre Debita i litru Kašteleta? Lako, ako ste spretni ka i ja 
Stvarno mi je krajnje vrime da smršavin. Kako san to otkrija, pitate se? Lipo! 
Isa san nisto kupit u butigu, i kako san se šesno okrenija, sorija san po stalaže sa vinon. Vata san boce po zraku. Moran pitat šefa butige jema li video nadzor, jerbo bi snimke moga "događaja" poharale sve natječaje za šaljivi kućni video 
I na kraju san stvarno jema sriće. Najpri, nisan ni kapi prolija po sebi, i najskoli, doli su na tleju bile još dvi boce koje nisu pukle 
Ipak me srića nije DO KRAJA napustila ... 
Krajnje mi je vrime da gren na godišnji, kojega ću ovi put opet iskoristit RADNO. Naime, selimo se, ne daleko, ali ako ne ništa, barenko se u banju mogu na miru rastegnit a da ča ne razbijen, i mogu se uspravit u kadi. Jupiiii!
Ajde, lipo se provedite po godišnjima, sunčajte se, i kupajte se, makar u kadi!
Post je objavljen 28.07.2006. u 15:48 sati.