Pregled posta

Lista Velebita Go-kluba Croatia 2006. - 28. puta – 12. 07. 2006.

Nekak je postalo normalno da nas dojde pet sad prek leta. Nismo baš isti, al petorka je. Smo svi dečki. Cure nekak nečeju med nas. Im mi ne branimo, al im nemremo ni reč niš, kaj ih ni. Smo odigrali svi med sobom, kak da je pravi turnir bil.
Pak sam prvi bil tu. Sam Braceka na šanku zaprosil pivicu. Zna on da je žuja ta. Jutarnjeg sam si zel. Cvike na glavu del i počel po naslovima. Tek sam tri put okrenul lista, a je došel Damir. Nekak baš i ni bil da bi se odmah prijeli goa. Je rekel nek si samo polako pogledim po novinami. Nisam ga štel po tom nogirat, pa sam nastavil brati po Jutranjem.
Poglečte prvo današnje rezultate.

Kad sam se zadovoljil z naslovima u Jutarnjem, pitam ja Damira, kaj bi bacili jenu, onak za listu. Je bil za i počeli smo. Devet je fore tu, a mi je na pametiu kak me je prošlu sredu zmazal. Već na početku sam mu zrušil fajn velku grupa kamenja i se štel predati. Ja njemu: 'Pa naj Damir. Se još igrati more. Pa te ima na drugim delima ploče.' Je nastavil, al mi se činilo samo zato kaj sam mu to rekel. Je zgledil čist demoralizirano. Smo još pometali kamenja skor do kraja i se on predal.
Se pojavil i Tomi. Kak smo završili Dami ja, on si je zbral Damira. Mene si je ostavil za posle. Su se njih dva nateravali po ploči i Damir je pobedil na kraju. Tomi kaj da ni v formi. Kad se ne igra baš se ni nemre v formi bit. Došel je Nikola i Mato, a odnekud su dojureli Filip i Robi. Sam se Robiju znenadil. Pitam Fiću onak glasno da svi čuju: 'Kak si ga sim dovlekel? Kaj ste se kladili, pa je došel?'. Smo si popripovedali onak poprek. Su dečki okej. Filip i Robi igrali nisu. Brzo su prešli i se lepo pozdravili.
Mi Mato predlaže jednu partiju za listu. Nek kak, nek sam prihvatil. Smo se brzo razmahali. Ni dugo trebalo i Mato pljus rukom u svoje čelo. Velim: 'To Mato! Sad je sve v redu. Mi čudno bilo kaj se nis već prije pljusnul po čelu.' Tak to Mato dela. Je bilo padanja i Mato ni štel brojati, kaj je puno razlike bilo za oko.
Veli sad Nikola da bi on njednu z menom štel. Devetka je tu i idemo. Malo sam ga zrušil i on je mislil kak gubi prek sto poena. 'Ček malo, buš videl na kraju. Ti se samo čini.', velim ja njemu. Brojimo i bilo je samo 23,5 za mene. Sad se on odjemput opočel veseliti kak je z malo zgubil. Da je to prije znal bi morti bolje i jače igral. Kak čovek razmišlanjem sam sebi štetu napravi. Naj tak Nikola.
Tomi sad proba z Matom, al ni to ni išlo. Mato je imal 19,5 poena više na kraju. Damir je pak zmazal Nikolu. Nakon toga Tomi igra s Nikolom. Obadva su do sada sve zgubili i jednom bu to prva pobeda. I bila je i to Tomiju z lepih 52,5.
Ide Mato na Damira i to isto reši s pobedom.
Bliži se kraj. Skor je svak z svakim odigral po jenu. Došla je na red partija izmed Tomija i mene. Igrali smo z sedam fore. Sećam se kak me je znal pobediti u takvim situacijama i igram čist bez žurbe, kak da čekam da se nekaj dogodi. Vidim sumnjiv vugel. Tresnem v sredinu; odigram sa strane; finta sim, pa finta tam i ni očesa. Samo jeno, al to ni dost da bi kamenčić v tom kutu opstojni ostali. Je vugel mu riknul. Sam se jš tu i tam sporival i pobedil z 24,5.
Još je samo partija med Nikolom i Matom ostala. Se Nikola štel već dost rano predati i me pital kaj da preda. Rekel sam mu nek igra, jel nebi štel ja odlučivati v nihovi partiji. Na kraju je bilo dost velikih 77,5 za Matu.Pridoneseno bodova u mjesečnu listu:Stanje na mjesečnoj listi za srpanj 2006.Se zbraja. Brojevi su da se broje. Pa se i broje. Koje kolko pobedil i kaj to vredi. Se partije u brojeve deneju. Su to bodovi, kaj ih se pribroji za mesec srpanja. Se zbraja i vidi ko je kakav na način taj. Bumo tak i sledeću sredu delali. Za teden dni smo pak tu, kaj neki nemremo bez kamenčićih. V subotu se pak najdemo i V. Gorici.
Sročio bl. Muradenu - Luzer

Post je objavljen 13.07.2006. u 09:47 sati.