Pregled posta

Rešenje go-problema broj 94.

Blagdani su prešli. Neki su se gombali z problemom, a nekima ni bilo do problemih. Glavno da je bilo jajcih i šunkih, mladog lukeca, rotkvicih i sve tak. I ponedjeljak je bil tu da sve to dokrajči. Tim marljivima kaj su na tomu delali ni bilo vremena još i za probleme.
Vreme je prešlo i rešenje je tu. Poglečte sad kak bi to išlo. Crni bu tak igral da belom niš ne ostane nek da se samo brani i na kraju da vidi da niš ni ni mogel napraviti. Pa, ajmo!
Crni, kak to obično je, igra negde gde se beli najmanjše nada. Da ni tak, kakav bi to uopće problem bil. Zamilste problem gde se sve odmah vidi i di nikakvog problema nema kak zrušiti belog. Kakav bi to problem bil, kaj problema nebi bilo rešiti ga. Hm, problem kaj ni problem? E, zato se idela probleme tak da se niko ni ne nada da bi se nekaj moglo, a more se. Vu problemima je navek nekaj skrito, nakaj kaj treba gruntati. I tu je tak bilo. Oni kaj kužiju, samo veliju: 'Znam, vidim fintu!'. A finta počne tu z 1. F3!!!
Vi već vidite da je z tim F3 napadnuto četri bela kamena. Kad beli nebi reagiral, crni bi del još samo na E 2 i smazal četri bela (D2, D3, D4 i E3). Kaj sad beli more? Mora braniti tu svoju četvorku, jar ak je crni smaže sve je gotovo, kaj se više nemreju napraviti dva oka za beloga. Beli morti još ima neke šanse, ak ih obrani. Oni kaj dobro kužiju stvar, već vidiju da šansi za beloga ni., al more probati igrati tak da crni mora odgovarati, kaj bi inače beli zaživel. To su onda kakti ko-pretnje za posle, al se igraju v problemu, kak bi se vidlo rešenje problema.
Beli more spasiti svoju četvorku igrom na E2 ili G3. Ak igra E2, crni mu dene još na H1. Nakon toga se na prvom redu više nemre napraviti drugo oko. Zato beli igra 2. G3 i pojede crni kamen na F3. Sad je namjera beloga da dene još i na E1 i na E2 bi bilo i drugo oko. Da se to ne desi crni odigra 3. E1.
Beli se grozničavo bori za drugo oko. Vi valda već vidite da niš od toga beloga truda. Sve je rešeno već nakon onoga prvoga cuga na F3. Opasnost sad belom zgleda z desne strane i proba tam zaštopati z 4. J2.
Crni je spremlen i za to. On sada dene 5. H1!!! Tak je sve rešeno. Če sad beli zapre taj kamen kaj bi del na 'B' v slikici, i tak napravil tu oko, crni dene na 'A' i napadne četri bela i ak ih beli spasi igrom na F3 više tu ni oka i ostane samo jedno tam gde je H1 kamen. Ak pak beli odigra na E2 i spasi oko na F3, crni se spoji z vanjskim kamenjem kad dene na 'B'. Ste vidi, ili ili. To je ko kad lovite kokicu i sterate je pri plot. Raširite ruke i samo čekate kam bu, levo il desno i polako se približavate. Ona samo cepne pri zemli i čeka. Razme takvu poziciju i kokoš, kaj nebi vi. Zna ona da joj spasa ni i se preda na milost progonitelju. Ona je to razmela kaj joj je morti i život v pitanju. Najte sad samo reči da je to kokošja logika i da se treba probati spasiti dok se još ikaj more deti na ploču. Bumo još o toj kokošjoj filozofiji pripovedali. Znate, kokoš je ipak bolja kokoš nek vi.
Tak. Smo se pak malo zanimali. Lepi pozdrav do četvrtka, kaj v petak već putujemo na Bled na turnira. Mi gogeri se pomalo skićemo.
bl. Muradenu

Post je objavljen 18.04.2006. u 11:00 sati.