Sutra će te ponit njih šest među ruke,
mater će naricat, teško brecat bilo,
finili su ćaća tvoji trudi,muke
kamena će ploča pokrit tvoje tilo.
Dušu si razumi,smokve i rogača
ka svoj i naš život pristave si zida,
sutra će te odvest okle se ne vraća.
a vrh stola prazna ostat će katrida.
Sutra će te ponit njih šest među ruke,
mater će naricat,teško brecat bilo
finili su ćaća tvoji trudi,muke
kamena će ploča pokrit tvoje tilo,
Rodilo je zlatom sve ča god si taka,
nek ti na sve vike zemlja bude laka,
pokrila te ploča,sad smo mi na tratu,
triba nam odradit život ka žurnatu
Istrajat će tilo dat se neće stina,
a i ti si s nama i neka te nima,
istrajat će tilo dat se neće stina
a i ti si s nama i neka te nima.
Sutra će te ponit njih šest među ruke
mater će naricat ,teško brecat bilo
finili su ćaća tvoji trudi muke
kamena će ploča pokrit tvoje tilo.
Jakša Fiamengo
Post je objavljen 06.04.2006. u 18:03 sati.