Kaj petki letiju!?
Kad si ovak zmislim kaj da je jučer bil prednji petek. Zapraf i ni. Kad bolj pogledam je bilo svega med ta dva. Kaj da sam ja pozabil sve kaj je bilo prek tedna. Tak mi i zgledi kaj da letiju. Zapraf se kakti vlečeju, al ni tak ni dobro. Kak got okrenem ovo je baš ovaj petek. Druga je pak stvar kak meni to zgledi. O tom se zapraf i dela. Mi tak zgledi. No, da ne žlabram o nečem kaj mi se pričinjavle. Rajše da prejdem na stvar. Bi čovek rekel 'konkretno'.
Nu, tak. Slikicu ste si valda već poškicali. Kak vam zgledi? Niste se valda prestrašili? Je fajn kamenja nametano, kaj ne. I se veli da bi crni trebal zrušiti sve ovo belo kamenje. Kak da je tu neko nor. Pa, se tak lepo vidi da su to dva oka i to ne mala. Ma, da, al to tak samo zgledi. To o zgledanju bi se knjig napisat moglo. Nekaj zgledi ovak, a nekaj onak. Kaj za pref je ni po zgledanju, nek po gledanju, al onak kak je za praf.
Ma kaj ja tu vama pripovedam. Poglečte si ovaj broj tu gor. 91. Pa ste tolke probleme već spremetnuli. Se to već i iskustvo zove. Pardonček. Dajte zrušite ove bele. Ajde.
Tea naj pak prigovarati kaj nema težih problemih. Bu i to došlo, al naj onda pripovedati da su preteški. Mladen meče sve po redu i kakav dojde takav tu dene. To je sve tak poredal jeden Japanec kaj je zbirku tak zrihtal. Okeco ti buš z pričicom, kaj ne? Pazi na brojanje cugov. Ovisnici, duhovi, predstavnici škvadrih, klinci kaj go igrate, sestrične i ostali ajmo!
A sutra u subotu 25. ožujka bumo već i 1. proletnog turnira v Gorici delali. Mi furt nekaj delamo. Ja si, na primer, nemrem ni zamislit kak bi to bilo da v Gorici turnira v subotu ni, a da nismo kam van, na neki veći turnir, prešli. Tu se navek igra. Da je proleće došlo ste valda primetili? Pa evo, kod Okeca je već i visibabih. Ma ju je on pri nami na kipec metnul i to baš vu dvorišću gde igramo. Bumo baš probali videti jel još tam il su možda već i njezini plodovi na tom mestu. Zapraf se pitam, kaj svaki cvetek je za neki plod, kaj je plod od visibabe? Jabuka ni kruška ni, to znam. Morti neka vrsta šlive, smokva? Češer ni. Žir? Pojma nemam. Ma bumo vidli sutra, samo dojdite. Usput bumo i turnira v gou odigrali.
Turnir bumo igrati počeli u 10:30. Bil bu hendikep -2. Vi već znate kaj to znači. Za razmišlane bu 30 minut za svakog kaj igra, a kad to potroši bu imel po 15 sekund za svaki novi kamenčić potrošiti. Kaj da vam još velim? Neznam.Hm? Ma dobro, bu dost i to.
Lepi pozdrav bl. Muradenu
Post je objavljen 24.03.2006. u 13:47 sati.