Dobar Vam dan škvadro i namjernici. Je petak. Nis ja na Vas zaboravil. Poglečte slikicu. Kaj vam ni nekak slična kak i nekolko poslednjih? Je, jelda. Sve je to nekak ista tema. Al ipak ni isto. Se treba dojti do pozicije gde se upotrebi znanje od onih prije zadatkov.
Crni je narival beloga uz rub ploče. Ni ugodno bit okružen nedobronamernim kamenčićima. Da vam niš nemreju se treba nekak osigurati. To se dela tak, da napravite oblika vu kojem vaše kamenje protivnik nemre zarobiti. To znači da takav oblik se nemre dopelati u situaciju di bi bez slobod ostal. Tu je važno znati, da se nesme kamenje metati tak, kaj onak metnuto nebi slobod imalo. Mi se čini da ovu rečenicu morti niste dobro razmeli. Probajte još jemput. Iznimka je da se z takvim potezom nekaj zarobi. Vite, tu je ona finta za koje se pripoveda, da su za život potrebna dva oka!
Kad grupa kamenja iste boje ima samo jedno oko, a to je samo jedna rupa u tom obliku, onda vam kad-tad protivnik dene v nju i to kad se sve okolo popune slobode. Onda nemate slobode ni vi, al ni on. Kak je tak on odigral, ima praf završiti svoj potez, a to znači pokupiti vaše kamenje, kaj je samo jednu rupu, kaj se oko zove, imala. Če su v grupi dve rupe, se to nemre napraviti. Znate zakaj? Pa, če popunite svojim kamenom jednu od te dve rupe, druga je prazna i nemrete pokupiti tu veliku grupu, a vaš kamen nema slobod. Onda se to zove samozarobljavanje il kak neki veliju samoubojstvo. Meni ovo drugo grdo zgledi. Samozarobljavanje ni dozvoljeno vu te igre. Ha, kak sam vam lepo to objasnil.
Sad poglečte opet slikicu. Kaj bi mogli napraviti tak, da bijeli kameni nebi mogli biti zarobljeni? Al morate za crnoga igrati najjače kaj se more. Ja vam velim da se beli nemre spasiti, ak crni prvi igra. Probajte. Okeco očekivam tvoj odgovor pričom. Može i stihom. To su kakti moja očekivanja. Pa ko te razme OK, ako ne nek proba razmeti. Se bu onda malo potrudil i bu mu čist jasna priča bila. Znaš da mi već na velko pripovedamo z kamenjem.
A sad bi štel reči da sutra u subotu 18. 03. imamo velki zimski go-turnir u Velkoj Gorici. Sve je zabadaf, al zato ni nagradih, osim ak kak nagradu ne mislimo igranje goa, druženje z prijateljima, zanimljive partije i tu i tam malo smeha. Počnemo vjutro u 9:00 vur. Igramo kak navek u Centru za odgoj u Zagrebačkoj 90. Sve partije buju se igrale ravnopravno uz komi 6,5. Vreme za razmišlanje je 60 minut po igraču, a byoyomi 20 sekund za svaki cug, kad se vreme od 60 minut potroši. Fajn vremena za razmišlanje. Partije tak moreju biti kvalitetnije, al ih zato prijavljujemo za europski rating. Pazite kaj delate, da si ratinga ne upropastite. Morti novoga kyu-a vlovite. Dajte, probajte, al treba na turnira dojti.
Pak sam se raspisal. Buju mi pak neki rekli da je preveč. Kaj morem kad sam žlabrav. Pa, znate me. Ništ. Dojdite sutra. To je to. Ja bum tam.
Lepi pozdrav bl. Muradenu
Post je objavljen 17.03.2006. u 12:31 sati.