Šećem blogovima. Čitam, komentiram, pa čak i raspravljam. Nekaj me vleče i mira mi neda. Najdem zanimljivih tekstova i nemrem miran ostat. Moram nekaj reči. Tu i tam morti postanem i dosadan, al me nekaj vleče. Najte zameriti. Bi mogel ne reči niš, al kad to nekaj hoće z mene van. Blogeki su tu kakti za to, pa velim: 'Bum. Me buju valda razmeli.'
Jučer sam tak dobil, tu pri sebi, na ovom blogeku, komentar kaj mi dal štofa, da se malo raspišem. Je bilo: 'Mladene... kad bi ja tebe sve mogla razumjeti... :) (poetesa 14.03.2006. 15:40)'.
Pročital sam i stal vu mislima. Me ne razme baš sve. Nekaj je ipak razmela. Kaj sad? Si mislim i vidim da ona lahko more pri meni zalutati, kaj ni ja nis tu i tam baš na čistom. Ne da delam nekaj kaj ne razmem i bubam bez veze, nek i pri meni su nejasnoće i se pričom o njima izjašnjavam. Iznosim i svoje nejasnoće i probam ih nekak predstaviti. Tak sam odgovoril ovo: '@poetesa - tu i tam ni ja sam sebe ne razmem. mogel bi o tom i knjige napisati. čudovit je život. :) (Mladen 15.03.2006. 07:10)'.
Pa, lepo. Vu blogu svega ima. Se trudim što iskrenije prikazati ono nekaj, kaj se pri meni događa. Ne baš sve, al ono kaj je tema.
Se pisati more ono kaj se vidi. O predmetima, bojama, glasovima, događajima. To je opis onoga kaj se vidi. Al ima nekaj tam negde gde ni vremena ni. Ima nekaj tam gde ni prostora ni. Ima nekaj tam di ničega ni, i kaj da je tam početak svega. Da bi nekaj bilo, negde i počne. Ima veličinu, ime, moč, vrijednost, pripadanje. Tak si ja gledam i mislim.
Sve kaj je kak nekaj u sveta ovoga je takvo zbog nečega drugog. Nikaj ni od navek, osim onih 'stvari' kaj su tam negde gde ni .... A sve to kaj je tam negde, ni kak ovo, a sve ovo kaj da ima tam svoj početak i kaj da se tam more videti kaj zapraf to je. Najte sad reči da to ne razmete. Znam da neko z osećajima tam se smuca, a da ni nezna gde je. A kak da zna, kad tam ni vremena ni prostora ni. Ja to, kakti, razmem. To je kak da ste prešli v neku drugu dimenziju vu koje su elementi ovoga ovde, al ne po načinima kak se tu vidi i razme. I sve bi to bilo kak isprazno pripovedanje, da ja to ne vidim zapraf. Otkvačim sve ovo kaj tu je normalno i kak se dela i ostanem kak na ničem. Onda pogledam to, kaj se bi štelo, i vidim nekak to na način kaj je vu novim odnosima.
Nebi štel reči da su odnosi tam negde, drukši nek ovo ovde. Zapraf je celi ovaj svet tam, samo kaj se to tak ne gleda. Ni to izmišlanje. To je tak. Si na primer probam zamisliti nekolko tisuć leta odjemput. Kak da se vreme pretvori vu neki film, al ne vrpcu, nek vu neku kristalnu celinu, kak neku velku salamu. I sve kaj se dogodi je tu. Se vidi sve kaj je bilo i sve je jasno i nikak drukše ni ni. To zaraf i je tak, samo kaj mi to ne vidimo, kaj smo vu tomu. Ja sam si bil slobodan ufati se tak zamisliti. Ma vrapca zamisliti; sam probal bolše videti kaj ovo sve je. Odbacil sam ono, kaj ne pripoveda o osnovama ovoga tu. Tak sam odbacil imena, veličine, moč, vrednosti, pripadanja. Kaj mi je ostalo? Pa sve ovo tak kak je, bez nametnutih misli, zaključaka, gledanja, odnosa. Izprva to zgledi kak niš. Smo nafčeni gledati samo po vrednostima koje smo razvijali.
Gledim i vidim kak čovek vu probleme giba. Sve si je pripremil, da mu bu nekak. I je, al morti ne tak kak je štel. Gledim kaj je zapraf on delal. Sve nekaj kaj zna i kaj mu je jasno. Dogodilo se i ono kaj tu njemu ni bilo za videti. Nekaj je zišlo i po osećajima. Ja si sad velim, da je čovek nekaj delal. Kaj? Vleklo ga je nekaj kaj je štel il kaj se štelo. A kaj je štel i zakaj? Nisam stal u gledanju i sada gledam i po tom kaj se štelo i zakaj. Kad gledam to mi se otpireju vidiki na nekaj po čemu se tak hoće. Vidim kak je sve to spovezano vu jenu celinu. Je ta celina kaj puno toga pokaže. Vidim čoveka kaj nekaj hoće, a sve je po svemu tak kak je i kak bu. Se onda pitam kaj to je, zakaj čovek baš tak hoće?
Sve to se događa nekak kaj da gledim, al sad se trudim to pokazati kak gledam. Sam došel do toga kaj čovek hoće. I to je v njemu po onom kaj vidi i kaj vu njemu se događa. I tak čovek ide od trena do trena, od komadića do komadića, kaj da korake dela. Vu toj celini z delovima barata, kak da su oni sve kaj mu treba za to. A kak koji del zeme z njim povleče, a da i ne vidi, sve na kaj taj del je povezan. Se pitati bi bilo, a kaj i kak da onda dela. Pa, nikak tak. Dobro bi bilo videti kaj sve to je. Ja sam probal, al i to je tak kaj mi je bilo biti takav. Je i to po svemu, kaj po tomu jesam. I rekel bi, ak to vidim, fala svemu po ćemu jesam, jer to je po celini vu koji sam i jesmo.
Pa, lepo, al mi smo živi ljudi. Mi komuniciramo. Mi osećamo. Mi delamo. A ja, kak da sam se del nad tim. Ma figu. Sam tu dol i Bogeku zahvalan za ovaj moj mali del života. Volim, al morem si vu trenutkima predstavit to i drugače. Če me neko pošalje tam kam pošalje, si vidim i to kak vu celini. Navek, kad mi ni nekak lepo, pobegnem tam negde gde vremena ni, de prostora ni, de ničega ni, a sve kak da tam počne. Kak puž kaj se vu kuću svoju zavleće. Ni puž bedak! Zapraf ni ne verujem, da bu bilo onak kak si želim. Ak se pak dogodi, Bogeku fala. Kad želje gledam su kak da bi štel budućnost delati, a znam da ona bu baš tak kak treba. Nekak je za praf poštivati to kaj je. A želje? To se pitam već dugo; kaj z njima? I sve mi više to zgledi kak da se dozvoli ono kaj biti mora. Ak se mora da i ja nekaj napravim, bu bilo i to. I tak gledam kaj bi trebalo. Al ne tak da si mislim, kak bum to zmislil. Tak bu puno toga na krivo zišlo, kaj ipak gledam onak, kak ljudi to delaju.
I sad tražim kaj je dobro i kak delati to? Kak prvo, ne se rivati tam di ti ni mesto. A di je? Neznam, al ak treba biti tam gde je mesto, ga potražiti. Kak? Kak prvo vidim da je vredno priznati nemoć svoju po načinima kak mislim da mogu. Je ne to po meni, nek po celini vu kojoj jesam i se osećam. Pa kak onda? Si dozvolim ne smetati i dozvoliti celini da dela ono po čemu je priznanje i moje nje. Je to kak molitva. Verniki me tu buju razmeli. Si ne zamišlam kak bu i to meni neki glas rekel kaj da napravim. Bi tak i zglajzati mogel i ponoreti, kaj si čovek svega zamišlati more. Naj to bu ne po meni. Tak bum bil aktivni del celine. A to je tak, kak treba biti. Treba biti i ono kaj delaju oni po svoji glavi, al tam su ti puno put nezadovoljni, kaj im ne zide kak su šteli. Ovak kak sam rekel, sve je kak treba, kaj sam štel baš to kaj potvrđiva celinu po kojoj i ja jesam. Tu bi se moglo dost toga videti, kaj zapraf je i više nek to kak se obično dela.
Kaj znači biti po onome po čemu si takav dat i delati po tome i tome? Celino sam po tebi i tebi! To znači da sam svesten toga. Da sam njen i da sam svijest svoju dozvolil obdariti njome.
I tak gledam kaj ljudi delaju. Vidim kak su pogrešili i štel bi im reči da to ni to kaj misliju. Je da misliju, al nije to kaj misliju. Svet koji si zamišlamo, ni taj kaj je. Svet koji vidimo, ni taj kaj je. Al na taj način možemo se razumevati ili ne, voleti ili ne, delovati ili ne, tugovati ili radovati, biti vu mislima našim ili ne. Al kad je čoveku teško i kada mu ruka treba, ima tu istina neka, tamo gde vremena nema, a ni prostor ni kak smo navikli. Je to celina u kojoj i naši životi jesu.
Tak sam htel pojasnit malo to kaj se pri meni događa. Tak se štelo biti. Se nis odupiral. Sam ne sebi zel, al slobodan bil dozvolit životu život svoj dati, al po živlenju u kome sam i ja kakti neko.
Prijatelji moji dragi, valda vas nisam zmotal. Bum još probal i na druge načine o tom pripovedat. Mislim da to vredi. Zar ima išta ne dobro u priznanju istine po kojoj jesmo. Ja nekaj vidim. Nekaj kaj sve nas čini i sva naša htijenja. Vrijedi tome biti.
Osmijeh Vama. Svi smo isto. Srdačan pozdrav i voli Vas Mladen
Post je objavljen 15.03.2006. u 11:03 sati.