Napokon je i ovo zavrsilo ... tortura sa spizon i kolačima ka i svaki Božić i Novu Godinu, pa di god dođeš uvik isto, onmo, daj maši se malo, pa ne valja ako se mašiš, a ne valja ako se ne mašiš. Skoro san puka .. a ionako me jema bokun, ka ča se moglo vidit iz priloženoga ... kad smo već kod otega, na ovo sve mi se još nadovezala serija sa Tarikon u gl. ulozi. Srića da su bili samo dvi epizode :-)
Još još dokle nije bila emitirana prva epizoda, ali između 29. 12. i 5. 1. me je umelo, pa koliko si osvojija, pa ajde ovako, pa ajde onako, pa ja san zna/znala ča znači BUNT ... dobro, onda ću te vazest za jockera drugi put, a kad san iska đokere, bilo bi mi lakše nać jamce za stambeni kredit vengo jockere ... a ča ćeš kad je lašnje sidit u fotelju i kaznije pizdit a kako to nisi zna, a ja to znan ... neka je Mašograd u puno stvari posebno misto, ni moje misto malo nije imuno na mudrijašenje ... ka i jedan gromoglasni hrvatski branitelj koji me je napa da san se usra od straja. Jesan, pripa san se, priznajen mu, ali kladin se da bi se i njegov idol Anthony Cash smrza da je bija na mome mistu, a di neću ja jadan mali i nikakvi kakvi već jesan.
Je, priznajen, puno mi je svita čestitalo, i od srca in fala, i znan da mi od srca čestitaju, i ovi gorispomenuti mudrijaši su ipak bili u manjini. Neka nji, da i nije bilo odma bi mi bilo sumnjivo, obziron da znan kako razmišlja selo moje malo. Ja se na nikoga ne jidin, nikoga ne mrzin, i svakome, ali baš svakome bi želija da prođe ovo ča san i ja proša. Neću sad zaglumit pa reć da nije sve u lovi, ka u starin diznijevin filmovima, ali nije SAMO u lovi ... lova dobro dođe, još brže i prođe, a iskustvo i sjećanja ostaju ... Fala van svima još jedan put na čestitkan, svima, pa i onima koli su prominili boju lica u boju zrile špinjače, kad su me vidili vizavi Tarika u katrigi ... ja in ne mogu pomoć, ne moreš protiv prirode. Ja takve samo žalin ča se svako jutro moraju pogledat u ogledalo
A di je Vinka u ciloj ovoj priči? Najpri evo je na slici, onoga momenta kad je vidila tatu na televiziji, a i bez nje ovoga svega ne bi bilo, ni bloga, ni moga odlaska na Milijunaša ... i još puno toga ča smin i ne smin kazat :-)
Moramo ostavit čako i za koji drugi post ... Dovidova
Post je objavljen 07.01.2006. u 14:22 sati.