Fala Bogu, i prilada je završila. Jedva je Vinka dočekala malo izać vanka na frišku ariju, ali je zato tribalo dobro umotat i meknit kapicu na glavu, da jon ne padne svašta na pamet :-)
Kud ćeš boje od tatine stare kape, jerbo je ionako tati glava malo otekla pa kapu ne more stavit njanci na vrj čupice ... a Vinki je taman. I odražava jon karakter ... mala je pravi inspektor! Kako ovo, kako ono, ča je ovo, ča je ono, sve bi tila znat. Rekli bi zli jezici, ka i svako žensko ...
Neka moje male, dosad mi još nije dopizdilo odgovarat na pitanja, a nadan se da nikad i neće ... uvik se sitin da san i ja u svoje doba davija okolinu sa ijadu i jednin pitanjen. Pa, eto, ono ča rečeš, ča gledaš to čekaš ... ko je reka da nisan mislija na Dinamo lani i Hajduk ove godine :-(
Napravija san, ka i svake godine malo kalendarići, podilija kome je tribalo, i posla kome je tribalo. Ajme i kuku. Sve bi moglo sta u jednu malu kesicu iz butige, i to obnu betežnu ča ti je mukte daju, koja je mala i tanka ka da je napravjena iz reciklirani golduni ... Eto, svi Vas pozdravjan i želin ugodne predstojeće blagdane ... u očekivanju znate već kojega datuma ...
Post je objavljen 20.12.2005. u 06:55 sati.