Et, pa neka mi ko reče da današnja dica nisu napredna. Kad san doša doma i kad su mi rekli da se Vinka pojubila sa susidovin unukon, i to onako lipo, po francuski, mislija san da me onako po sućuračku, voltaju, pa se nisan da navuć na tanak led. Ali kad su to bez velikoga nagovaranja, ponovili da i, je li, Vinkin tata more slikat za arhivu i ovi, da oprostite blog, onda san sta pa se zamislija. Koji je ovo, da ne rečen ča? Je li ovo triba svatit ozbiljno, oli sve okrenit na zajebanciju ... Kvragu i pedagogija, je li ovo dobro oli nije, ja znan da su mi mali golubići jučer osvježili dan, neka je bila gnjila južina i napadalo kiše za angriz posadit, a ne blitvu vulgaris. Samo, kako je počela, sve me straj da ću jon se ja oli mater tribat potpisat kad se bude udavala :-) Možda je, ko zna, boje i tako nego da čeka četrdesetu, ka njezin pape ;-)
Post je objavljen 16.11.2005. u 22:39 sati.