Marketing
a bonaca je...
... asti divote.
popodne san provea na brodu s kojin ćemo na mrduju.
koji dobar način za provest popodne.
blizina mora, njen miris i okus, čovjeka ne može ostavit ravnodušnim. makar se taj bokunić svita radilo o fonji u lučici.
kad san god na brodu ne mislin o ničemu. ni o ženi, ni o dici, ni o poslu... samo more i ja. i sad čujen pupačića "i dobrojutro more...".
s vrimena na vrime pari mi se da san se oženia moren.
cilo vrime se veren po brodima, bilo svome bilo tuđima. pa onda daska i jedro u ruke. pa bokun i zaronit, jerbo je lipo pit vino, a još lipše ako ima ribe. i tako...
volin ja i nevere, volin ja i kišu na moru, volin kad puše... jedino ne volin kad je bonaca. onda mi dođe rigat. al opet, ima gušta i u bonaci. kad ti sva jidra lešo stoje i klapataju. onda se zavališ u ladovinu ča je jidro stvara i guštaš. guštaš u tišini.
...
ove jedne slike ča san je učinia ovo lito.
ovo je ka neka nevera. split je u kiši, a ovo pod bračem je neki vitar ča luduje.
i tako van je to.
to more.
e, nadan se samo da će u subotu bit vitra!
Post je objavljen 29.09.2005. u 20:00 sati.