Kak god je zgledalo da se beli v tom čošku raširil niš od toga ni moglo ga zvleči. Najvažnejše je bilo da je crni trebal prvi metati. Če malo bolše pogledate problem, brzo bi mogli videti da je nekak točka de se beloga može najbolj zfuflati na E2. Če bi on tam del beli nebi više problemov imal. Po filingu ( To je ziher domaća reč. Kaj ne? ) bi se prvo to išlo proveravati. Znate ono, da bi prvo gledali kaj beli more, da bi vidli di ga zaustaviti treba. Je ni samo treba gledati kaj bi vi delati šteli. Je i protivnik tu i lepo bi se vidlo da pogledate kaj bi i on štel. Kad sve to pogledate si bute razmislili kaj bute vi napravili. Ne morate ga baš skroz uništiti, če se partija igra, nek tolko da bu na vašu stranu zišlo. Če ga baš hoćete skroz poniziti lako zite na obrnuto. No, f problemu treba zadatka rešiti tak da beli kamenovi nemreju opstati. Niste ga tu niš uništili neg je samo status ove pozicije takvo. Je to od crnoga če zna to tak zrihtati.
Smo već rekli počinjemo z 1. E2. Al beli sad dene na D1 i tak ogradi kut, crni bi si obranil tog jednog na E2 tak da dene još i na F2. Sad beli nebi mogel opstati tu f kutu. Takav oblik prostora ni dobar za delati 'dva oka'. Morete isprobavati če vam se da. Bute tak nekaj nafčili.
Belom se tak rihta 2. F2 kak nekav nastavak, kaj bi morti nekak mogel za njega dobro zajti. Makar, će bolje pogleda, bi videl, da ni iz toga niš dobroga za njega tu zajti nemre. Al, bumo si i to pogledali.
Crnom preti sad uzimanje njegvog kamena na E2. To nemre drukče rešiti, nek da doda još jenoga na 3. D2 i napravi dvojku na drugom redu. Se je dvojku teže zeti nek jenoga. Više se kamenja okolo treba nametati, a to bi značilo da više poteza treba odigrati. Za to vreme se crni nekaj more zmisliti i narediti.
Kak prvo sad crni more igrati na D3 i odrezati ovo kamenje beloga na Eliniji od onih levo. Tak potrganu postavu lako je pozaroblavati. To je kaj z šibami. Kad ih deset ili puno skup denete ih ni lako strgati odjednom, a če jenu po jenu trgate sve bute ih, al treba malo više vremena, kak nam zgledi. Zaprav je jenu po jenu brže, jel sve odjednom nebute nigdar. Al, nemojte zaboraviti da je beli na redu metnuti kamena. A bi on još nekaj prije probal narediti. Dene na 4. F3. Če dobro pogledate bi štel deti na G4 i napasti vam kamen na F4, pa kad njega spasite z F4, bi del na G2. Tak bi vam napal još jenoga i to onoga na G3. Sad njega spasite z H3. Na taj način si je on sprečil to da ga prerežete na D3, jel da bi to sad naredili opn bi odigral to kaj sam rekel i na kraju bi vas odrezal na D4. Vite to? Zato vi sad nesmete igrati na taj D3. A ka bute onda?
Se razme, bute držali poziciju z istim pretnjama tak da denete na 5. G2. Je z slobodami sve tak isto kak i prije, a ste sad još i z namerom da se povežete metanjem i na F1. Nakon ovoga kamena, kaj ste ga deli na G2, beli više nemre niš važno pretiti metanjem na G4. Si bi onda samo deli spasonosni kamen na F5 i gotovo. Niš se pripetilo nebi.
Beli sad mora 6. D3. Vidi da bi ga sad zbila mogli prerzati i sve to zrondati.
Eto, i sve je opet zišlo na vašu stranu. Denete na 7. F1 i gotovo je. Pak je tu prostor f kutu z kojim niš se nemre, da bi se 'dva oka ' delala. Če bi beli del na C2, bi vi deli na E1 i gotovo je.