Ne, nisam se baš ono obeshrabril, pa sad opet idem metati japanske probleme. Kakti oni ziher nebuju pogrešili kad mečeju problem v zbirku. Makar tak mislim, ziher je ziher. Pripovedam kakti jedno, a mislim i delam drukče. Japanci su ipak Japanci. Ja kad napravim problem, to je zbila problem. Taj se rešiti nemre. Ste vidli ono prošli put. Da nisam naknadno slučajno našel ko i to tak, da se ga mora dobiti za zvleči se, bi me čist sram bilo. Bi se i tu zvlekel, jel ja se sramiti znam. Pa, ajde lepo, da velim, kaj delati treba.
Slikicu tu gor vite? Ova jadna četri bela kamenčića morti zgledaju kak nekaj kaj je tu, al če crni počne metati kamenje kak treba, niš od toga. Nebuju ostali, il morti samo tak kak figura, da bi ih črni na kraju pobral i v škrabicu sebi del. Vam morti to zgleda okrutno? Za praf i ni. Se tu dela samo o tom, gdo bu te kamene na kraju kam del. Pa to je kak navek v živlenju. Kamenje se navek nekam premeče, ak ne ostane tam di je. A z druge strane gledano, smo sve nekak podelili. Sve je nečije. Ajte si samo zemite onak bez veze neki grunt, če se ufate. Tak i ovo kamenje v gou treba negdo zeti sebi.
Ova igra je zanimliva. Se celo vreme 'tučete' za kamenje po nekakvim regulama. Gdo bu ga na kraju zel. Kaj da kamenje ne more bit, tak, samo kamenje. Če ste malo svoji i če nekak hoćete razmeti, kaj je tu kaj i zakaj, se bude malo zmotali. Je drugo z onima koji znaju da to tu treba negdo imati. Oni zemeju kaj im dozvolite i to je to. Za one kaj probaju to bolj razmeti, se to je nekaj malo dublejša filozofija. Si morete zamisliti da ste tu na nekom mestu kaj vam je Bogek dal, a dojde jedan kaj isto tak je tu kaj mu je Bogek dal. Pa si taj misli kak mu je dal da si sve zeme. Vam krivo dojde. Ne za to kaj je sve zel, nek vas zgleda ni ni videl. Bi mu vi morti 'Dobar dan' hteli reči. Tu je kakti problem. Al Bogu fala, ni tu kraj. Vi ste tu i dalje si uređivate svoj svet. Svet vam je velki kolko vi to morete razmeti. Sunčeko vam i dalje sije, al ak se niste predali i odustali morti čak s večim veseljem za vas nek njemu. Vi vidite vrapčeke, cvetje. Kad prejdete od ve do ve, to z veselem delate. Oni drugi pak samo juri i več nezna, kaj bi si još zel. Se na kraju još i nesretan razboli, a vi kak pravi Božji stvor i dale uživate u svakom koraku, u svakom preletu price, u svakom cveteku. Na kraju vi niš zgubiti nemrete, a onaj siroti kaj ni razmel, se celo vreme bogatil i nigdar sretan ni bil. Ja bi rekel da takva partija ni gotova bila. Vi ste imali dobre mogućnosti, a onaj se zatrpal.
Kad nekaj zemete, to je to. Kda ne zemete, ostane vam puno mogućnosti prema tome. Bi rekel kaj da i stvarima treba poštovanja dati.
Čovek koji ne uzima, nek obogati to kaj je tu, ima budućnost. Onaj koji to zeme i veli da je njegvo, niš ni napravil. Neki su to razmeli, al samo onak na pol, pa veliju da imaju vlasništvo nad mogućnostima. Da, oni moreju s tim delati kaj hoćeju, al tak lako dušu zgubiju.
No, da ne filozofiram. Je nikaj ni na svetu mojega. Sem tu kak mi je Bogek dal. A v gou mečem kamenčiće kak da su živi. Si oni sveta delaju med sobom, a ja ih gledam i sve si mislim, kak je lepo to živlenje, ma i med kamenjem. I sve to kak lepi ples, kak lepo veselje na ploči. A protivnik v partiji je moj prijatelj, kaj skup z menom dela prekrasnu nisku od kamenja. I bi na kraju rekel, da sve to je 'Kak se zeme.' Jel vam se morti čini kak da to ni samo v gou? Ak da, bi rekel, da vi morete sretni biti.
Vas sve lepo pozdravla Vaš bl. Muradenu i znajte je sve tu med vami samo lepo okioce otvorite, al onak za praf
Post je objavljen 16.09.2005. u 16:12 sati.