Ste se kaj namučili? Znam, niste. Neki su se čak sigurno pitali:'Pa včemu je tu problem?'. Sam to del tu radi onih kaj tek učiju igrati. Maheri najte zameriti. Nem sve samo za vas tu metal. Se strpite malo. Kaj ste tak navalili?
Ak ste dobro pogledali ste videli da se tu dela o grdoj makljaži. Crna grupa (N4, O4, P1, P3, P4, P6, P7, Q1, Q2, Q4, Q5, Q6, R4 i S4) i bela (J2, K2, L3, M1, M3, M4, N2, N3, O1, O3 i P2) su se pošteno pograbile. Miroljubivog rešenja tu nemre biti, jer su se u direktnom kontaktu pogubile sve slobode i je samo en ko tu kaj 'drži vodu'. A, jel drži?. Ajmo prebrojati slobode grupa u tučnjavi. Crni ima 6 il čak 7 i ko. Beli ima 2 i ko i na ona dva kamena još 3. Sve to izgleda tak računski slabo za beloga.
Al poglečte sad ovo. Ak beli spoji ko na O2, da bi se vodili po nekih pravilih računanja sloboda, bi rekli da to ne valja. Vite ja nigdar nis se trudil pamtiti pravila, ka ono kolko kamena treba na drugom redu biti da se živi. Navek sam si to razmišlal i onak gledal v glavi. Tak mi z vremenom sve to postalo normalno. Sem gledal bez nekog napora. Oni kaj su računali su se tu i tam preračunali. Kad bi sad beli spojil ko, ni si povečal slobode, a je čak ostal i bez koa. Grupe u dodiru više nemaju slobod, pa se sve odlučiva u slobodama sa strane, a crni je sad prvi na redu i more krenuti. Ak krene zaroblavati dva kamena, da bi mogel napasti posle na M2, bi mu beli del na Q3 i napal ona tri na P1, Q1 i Q2, pa kad crni to pojede s R3, beli napadne na R1 i crni spoji na Q3. Sada lako vidimo da beli stigne prije pojesti crnoga nek crni beloga. Je, a kaj ak crni nakon spajanja koa na O2 spoji na Q3? Sad belom treba pet poteza za pojest crnoga, a crni treba zarobiti dva bela i napasti na M2 i pojesti, kaj je sve skup četri poteza. Na potezu je beli, al onda su četri četri z crnim na potezu. Znači da beli nesme spojiti ko na O2.
Taj Q3 je problematično mesto. Beli onda krene na to z 1. Q3. Tu bi sada trebala krenuti ko-borba. Tu je i zamka crnome ak zeme kamen na Q3 igrom na R3. Če tak napravi, išlo bi spajanje beloga koa na O2. Na to bi crni trebal igrati na J1, da bi polako pojel ona dva bela kamena. Sad bi beli napal ona tri crna igrom na R1, pa bi crni spojil na Q3, a beli onda na O7 ili jednu od one tri slobode. Sada bi crni zarobil ona dva bela metanjem na K1. Beli bi oduzel još enu slobodu npr. P5. Crni bi napal beloga na M2, a beli pojel sve ove crne metanjem na zadnju slobodu na O6 u našem primeru. Sve to je v sliki ovoga rešenja prikazano redom po slovima od B do J.
Znači da nakon beloga na Q3 crni mora zeti ko z 2. O2.
Sad da vam otkrijem, da to ni ja nis videl dobro, kad sam vam problema metal. Sam videl fintu s belim na O2, crni na J1 i beli na Q3, a nis dobro smislil kaj se bu pripetilo, ak crni mesto J1 spoji na Q3. Ima finti, al ima i obrane. U nastaloj situaciji beli nesme igrati ni na M2, ni na K1, jer bi dio svojega kamenja del pred zarobljavanje. Mora najti dobru ko-pretnju negde drugde na ploči i tak bi teral crnoga da zeme kamen na Q3 metanjem na R3, a onda bi spojil ko i bil brži. Jezus na, skor sam bedastoču naredil. Je sreča da sam to videl. Znate v životu ljudi puno put ne vide svojih bedastoč, a ak ih vidiju ih probaju skriti. Ja nem tak delal. Sem krivo mislil, al sam se morti i zvlekel, kaj sem pokazal, kaj zapraf treba iti. Je ko-borba rešenje, a i to je nekaj. Neki su morti vidli da treba ko spojiti. To ih je navleklo ono kaj sam kak zadatak napisal v problemu v petak. Da, beli se zvleče i zruši crnoga, al tek na ko.
Juj kak je ludski mozak, i bi rekel pamet, krhka. A si tak puno mislimo, kak smo tu jaki. Čak i čitave svoje svetove razvijamo na krivim prosudbama i gledanjima. Naj nam Bogek pamet prosvetli, kad se već tak puno v nju upiremo.
Deca najte zameriti. Je obečano rešenje zišlo nekak na pol. Pa je i to nekaj. Nis videl Q3 za crnoga. Da bi Alkion tak v zraku ne videl nekaj, kak ja z tim Q3, bi ga hladen znoj oblijal i bi brzo tražil alternative, ak bi ih bilo. Ja sam se tak zvlekel z koom, a to je kak da tražim neku dobru livadu za ateriranje. Nis ja za avijatičara. V gou se niš ne dogodi. Se samo zgubi partija i ak ti je do goa stalo nekaj novoga navčiš. Ja najčešće navčim, da sam sklon greškama i da ih se trebam čuvati. Otpreti oči treba, al ne ove kaj ih vidimo, nek one tam pri pameti.
Vas lepo pozdravla Vaš pogrešivi bl. Muradenu
Post je objavljen 12.09.2005. u 10:35 sati.