Marketing
Lito
Evo se napokon javljan iz doma, bia san pogleda blogove u "Mrizi" ma mi se nije dalo o tamo pisat, nisan ima ni USB kabel za slike pribacit, u Peskafonde je sve cinzikrepnilo..
Dosli smo nazad proslu nediju, a u ponedijak je mama morala poc radit, meni je prvi dan skole bia u utorak. Sada san peti razred i gren u novu skulu. O tome cu pisat u drugome postu, sad bi tia samo kratko ispricat kako mi je bilo ko Dida i Bake. Zapravo uvik mi je lipo tamo.
Najprije i prije san tia skocit u more jerbo je bilo vrucina
Bia san i s mojin papon, igra san se tamo sa prijatejima i bili smo na Bracu s jednin puno brzin gumenjakon /140 Konja.
Kupali smo se u Lovrecini, to je jedna przinasta uvala. Opet nisan ima moju cameru.
Onda je dosla mama samo za jedan dan na sprovod. Umra je John i to je bilo sve puno, puno tuzno, mama je plakala, i ja san isto bia u sprovodu.
Isa san s Didon na nas gliser i bili smo puno puti lovit lignje, jednu noc san se dobro smrza ma smo ulovili 18 velikih liganja:
Kod Bake je bia i moj prijatej iz Frankfurta, tamo je i moja rodica Marta, Frankica i mala Marijeta i jos druga dica pa smo se igrali. Kad je dosla mama pocela je kisa i bilo je zimkasto vrime, baka je tribala izvadit prave deke za pokrit se po noci.
Bia nan je i Walter, ma i o njemu cu napravit drugi postic.
Bia san puno na moru. Najdrazje mi je bilo sa prijatejon Zebon i Martinon diravat kaicen ili poc na lignje.
Zeba je pravi mestar za lignje, cin se malo smraci dovuce bocu plina i skosaje.
A bia san i na jednome puno lipome brodu, zove se "Dust". Trbali smo bili ostat 2-3 dana, steta je da nismo, ma mislin da to ima veze sa onin sprovodon.
Nismo bas nigdi daleko isli ovi put, stalno su bile guzve na cesti, mama je rekla da je to najzastopanija cesta u Kroji. Bia san sto puti na plazi di se kupa barba Galeb ma ga nisan vidia. bas mi je zaj. Nisan ni tetu Kasetu vidia ali san upozna san BlogOMdana u Omisu. Peskafonda, mama i on su cakulali a ja san se bia popea na Mirabellu.
Vozia san se i na skuteru, pa su me posli bolila kolina.
A ovo je ekipa s plaze zadnji dan:
Pozdrav svima, ja sad gren drito u posteju
vas Oceancic
Post je objavljen 11.09.2005. u 20:30 sati.