Deca bok!
Skor sve vam je već jasno. Je petak. Sem v brigi, da vam dosadno ne bilo prek subote i nedele. Vam probleme mečem da se to ne dogodilo.
Naj već problemov sam z zbirke nametal v blog. Su tam i rešenja, al ih sam pripremam z objašnjenjima. Tam su samo ona slova i brojevi kaj značiju mesta de se kamen dene. Navučeni bi rekli koordinate. Nekak se nam počelo dogajati, da sami v naših partijih napravimo problem v igri. V saki partiji mislim na vas, drage blogerice i blogeri i blogočitačice i blogočitači, da bi vam kakvog problema metnul, kaj nam se tu dogodiju. Sam tak v sredu s Tomijem igral. Se sve nekak zakomliciralo i je bilo kak da bu mi sve opalo. Sam gruntal kak napraviti, da se zvlečem. Sam videl da ak najdem puta belima, kaj bi se zvlekli, sve crno bi opalo. Sam onda počel vleči 'vodu na mlin'. Tak sam dogural do pozicije koju morete videti kak problem tu gor na slikici. Je beli treba deti kamena. Mam sam glasno rekel: 'To pe na blog!'
Sam dale razmišlal kak je to dobro, da se bi vidlo, kak se pri makljaži dve grupe moreju slobode priskrbeti, da bi se morti moglo nekaj drugo zrušiti, kaj je z ugroženom grupom u 'biti ili ne biti pitanje je sada.' Kak vidite mi se po malo i Hamlet pod kužu zavlači, a ga do neki dan nis ni znal. Si tak razmišlam, i mi zgleda, da je njegov striča go igral, nebi tog kravala naredil. Ni lepo kaj si onda mislim da nebi Hamleta bilo kak nekaj za predstave, jel kaj bi onda oni tam predstavlali. Bi pripovedali kak je njegov striča dober bil? Da su svi ljudi dobri mi za Hamleta nebi ni znali, a ni za onoga Šekspira kaj je sve to napisal. Gdo bi kome fala tu trebal reči? Se v to se ja ipak baš i ne razmem. Mi zgleda, da nekak z krive strane to gledam. Je Šekspir samo štel reči, valda, da to ni dobro kaj je striča napravil i kak se mali Hamlet dobro postavil i razmel kaj nebi dobro bilo, če sam sve to dobro razmel. Vite kak je to pri problemov. Je taj problem mali Hamlet dobro rešil. A bumo mi i ovaj naš 64.
Ima nekaj zanimlivo pri problemima. Je prvo dost važno znati da se problem rešiti more. Če se nemre i ni problem. Tak vam onaj, kaj vam problema daje, pol reši z tim kaj veli da se nekaj more. Onda krenete i nemrete. Tak si počnete misliti da, onaj kaj vam je problema dal, hoće z vas norca narediti. Ak ne mislite tak, a nemrete ga rešiti, sami sebi norcom ispadnete. I tak si sve više mislite kak problemi nisu za norce. Njima je dobro, da bi sve bilo tak kak im zgleda. Malo je onih kaj vidiju da su norci, al bi to promeniti šteli. Ja si razmišlam kak čovek more misliti, da bi sve trebalo bit kak njemu zgleda. Tak puno njih nemre nekaj ni videti, a da veliju da toga ni nema. Kak da je samo to kaj vidiju. Njima, kad pokažete da su krivo vidli, veliju da je to čudo. Si ja pa mislim, da je čudo to kaj oni tak misliju. Saki nekaj ne vidi. Ja ne vidim ono kaj je van spektra svetla, kaj moje oko videti more. Tak mi zgleda da se baš ono važno videti nemre. Tak se puno njih pita kaj je v živlenju važno. Si misliju da bi se to trebalo videti kak se i kamena vidi. Al tek kad se toga puno skupi, ak se čovek v tom ne pogubi, se nekaj kak magli počne razbirati. Negdo bi to rekel, iskustvo. Je to reč, a gdo zna kaj ko o tom misli. Tak je i vtoj igri kaj o njoj tu pripovedam. Sve te lete, kaj sam igral, su v meni ostavile nekaj, po čemu kak da vidim na taj način. Kaj da vidim kaj se bu zgodilo. Je to nekak v tom okruženju tak nekak jednostavnejše nek v celom živlenju, al je ipak nekak kak da se vidi. Se čovek vežba gledati napred.
No sam se dost nafilozofiral za ovaj put. Moram nekaj ostaviti i za drugi put.
Kaj bumo delali ovaj vikend? Je v Gorici Velki ljetni go-turnir. Sako doba godine v Gorici završavamo z takvim nekvim turnirom. Se igra samo v subotu 10. 09. Počnemu v 9 vur il 9:30, ak bumo neke još malo čekali. Se nismo tak strogi da bumo kak vurice, al dajte ipak požurite da se ne čeka dugo. Igra se v 'Centru za odgoj i obrazovanje Velika Gorica' v Zagrebačkoj 90. Sve partije buju ravnopravne i bu se igral mcmahon sistem. Za razmišlati bu saki igrač ima enu vuru za svaku partiju i onaj byoyomi od 15 sekund za potez. Ak negdo hoće videti kak se go igra, naj slobodno dojde. Niš ne košta. Bi samo prosil, će se more, za šlape donesti, da parketa čuvamo.
A sad drage moje i dragi moji nek vam sve dobro zide. Ak imate vremena dojdite v Goricu videti turnira ili morti i igrati. Sve vas lepo pozdravla Vaš bl. Muradenu
Post je objavljen 09.09.2005. u 10:31 sati.