Pa evo da vidimo kak je to Matej zmislil. Moram vam reči da mi se baš svidilo njegovo razmišlanje.
Dene on prvo 1. E1. Če beli sad zeme tog jednog na D1, kaj bi del na C1, crni više niš nebi mogel. Nebi mel de oko narediti, a se beli spojil na levo van. Zato se crni mora spojiti i spasiti toga svoga kamena. Igra tak na 2. C1. Kad sam prije gledal to sam ovde odustal. Me povlekla varijanta, kaj sam vam u postu prije pisal, pa ovo nis ni videl. Vite kak mi ljudi, če nam se nekaj dobro ponudi, oslepimo za druge stvari. A te druge stvari su morti još vrednejše. Se Matej ni dal prepelat kak žedan prek vode. Je videl još nekaj lepoga, morti još lepšega nek ono prije. Pa kaj je to sad Matej napravil?
Del je beloga na 3. E2. Bi čovek rekel: 'Katastrofa! Pa taj mali niš nezna. Mu morem to sve pojest. Bu tu onda tak velka rupa da i dva oka napravimo.' Al, Matej je razmišlal još dalje. 'Naj mi pojeju to, al ja bum na kraju ipak napravil kaj hoću. Si ovi crni buju opali'. Crni sad nesme igrati, da bi pojel bele, prvo na F1, kaj bi ga beli pojel na G1. Onda crni više niš nebi mogel. Je tak Matej prisilil crnoga, da ide pojesti njegve kamene tak da prvo odigra na 4. D3.
Tu je sad glavni potez, kaj ga je on videl. Da crnom još jen kamen, a znate zakaj? Poglečte. Dene 5. F1. Zna on kaj dela. Bi šešira skinul pred mladim gosponom za taki cug. Saka čast 'stari'. Je Matej pučkoškolec, kaj bu sad išel vu peti razred. A, ste vidli kaj zmišlava.
Sad crni mora te bele pojest, jel bi beli njemu pojel njegva dva i to bi bil konec. Pa, dobro, crni igra na 6. G1 i zeme čak četri bela kamena. Vugnite ta četri bela i dobro poglečte kaj vidite. Je, je ...... Da dobro vidite. Je Matej se to v glavi imal. Sad beli dene na 7. E2. Se nemre spasiti tri crna i odu okeca i se to crno kamenje nemre živeti.
Crni nemre dalje fintirati z F1, da bi mu beli pojel četri komada, kad dene na E1, da bi onda crni del na F2. Je tam na D2 postalo prazno. Baš lepo!
Čist neznam koje je rešenje lepše. Mi se obadva dopadaju.
Matej fala ti. Deca, ak negdo vidi kaj zanimlivoga, javite. Bu nam lepše na blogu će malo nekaj lepoga i mi doguramo na njega.
Lepo vas pozdravla Vaš bl. Muradenu.
Post je objavljen 05.09.2005. u 15:19 sati.