Dobar dan sima. Je lepo sunčano i dost je vruče. Ipak mi zgleda nekak ko v loncu. Sparina. Nema problema, jer kad se promeni bu sigurno drukše. Koji put mi tak dojde po koja pametna. Najte se smijati. To je zbila tak. Neki to ne vidiju. Kad čovek razmišla sakaj se zmisli il seti. Tu i tam je i nekaj pametnoga.
U sredu sam igral z Tomijem enu partiju, onak za zezanciju. Je v njoj sega bilo. Je popadalo fajn kamenja. I kad je on mene prišarafil i okružil moju velku grupu mi ni ostalo nek najti nekaj v malom prostoru. Se tak našlo nekaj kaj je kak problem zgledalo. Sam razmišlal i rekel: 'To pe na blog!' Je pravi problem. I tak sam ja to lepo tu pripremil. Se na sliki ne vidi da su beli okruženi, jer je za rešenje važno da beli zruši crnoga. Če to ne napravi ode mu hrpa, kojoj pripadaju neki od kamenova, koji okružuju crne v ovom problemu. Se to ni važno za problem. Onda ajmo – beli igra prvi i zruši crnoga!
Nek sam si razmišlal o tome kaj su dobri potezi ili bolje reči, de se treba deti kamen, da bi to bilo dobro. Glete, če dojdete blizu protivničkoga kamenja, ni dobro. Vas brzo protivnik počne naganjati. Če ste pa predaleko, se protivnik more izbezobraziti, da bi štel zeti preveč. Se nekak treba delati tak, da se protivniku omogući, da bi videl, da vas treba poštivati. Se ta igra zide na kraju u nekakvu komunikaciju i dogovaranje bez reči. Samo mećete kamenje na ploču i se je jasno kaj hoćete i kaj hoće protivnik. Se dogodi tu i tam, da jen nekaj ne vidi il vidi krivo. Ni to problem, jer se gleda ono kaj se ne vidi. Su se te slike v glavama. Kad denem kamen si mislim, da me protivnik razmel, a ak me ni bu videl. Od tud je valda zišlo ono kaj se veli:'Bu on videl!'. Če obadva igraju dobro se ni treba tuči i rušiti kamenje. Saki se na vreme vugne, pa meče kamenje di mu ni opasno. Se bi reklo ko da je to neko znanje. Kad to tak lepo pokazivam, bi štel reči, da se igrači goa tak učiju razumevanju. Je nam jasno, da situaciju treba razmeti, da bi se moglo nekaj dobro delati. Nam je jasno da i protivniki isto tak misliju i delaju. Je poznato da se igrači goa kak ljudi menjaju. Go promeni čoveka. Kak? Se nebi štel hvaliti, al da ipak nekaj o tom velim, bi rekel, da ja još puno trebam nafčiti. A go menja čoveka na dobro. Sad sam se valda zvlekel. Mislim, se nisam hvalil. Znate, to je ko nekakvo balansiranje. Ak imate nekaj kaj se menja, pa tomu dodate nekaj, a šteli bi da to opstane, se treba videti jel ta promena narušila opstojnost toga. Se onda malo poravnate se to v smislu balansa za opstojnost. To je kak v živlenju. Zato ja velim: ' Ni dobro jesti z velkom žlicom.' V najmanjšu ruku bu vas trbuh bolel.
Još je nekaj kaj bi reči štel. Se v gou situacija menja malo po malo i je pitanje kaj to znači. Mečete navek po jen kamen i vi i protivnik. To je malo po malo. Zapraf to baš i ni tak. Treba videti kad dojde ona zadnja kap kad se kakti voda prelije van. Treba to razmeti. V gou se gradi i stvara. Rušenje je rezultat pogrešnog načina građenja. Pak da velim, kak v življenju. Ak ste slabo zidali se bu zrušilo. Pa zidajte dobro, al pazite da nebu premalo. Bi protivnik mogel zgraditi veće stvari i vama bi ne ostalo više mesta da si i vi zgradite nekaj. Se je ploča određena z 361 križišćem. Ima toga još puno za pripovedati o gou. Nema kraja tomu, a bi sad do tud o tomu.
A kaj bumo ovaj vikend? U subotu 03. 09. je v Zagrebu u knjižnici za mlade na Starčevićevom trgu z početkom v 9 vur go-turnir. Bi rekel svojima v Gorici da se najdemo kod Centra v 8 vur, pa idemo zajedno. Trebamo nositi i nekaj garnitur i vure.
U nedelju 04. 09. z početkom v 10:30 je redovni velkogorički turnir. Smo ga ovaj put premestili na nedelju, da bi se išlo i v Zagreb na onaj subotnji turnir, a da bi oni iz Zagreba mogli na velkogorički v nedelju. Vite kak se razmemo. Se bu zišlo na dobro.
Štel bi vam još reči, da je u subotu 10. 09. v Velkoj Gorici Veliki Ljetni turnir i se boduje za rating-EGF-e. Se partije su tam ravnopravne, se igra mcmahon i vreme za razmišlanje je ena vura po igraču i byoyomi 15 sekund za potez. Počelo bu v 9 vur ujutro.
Štel bi reči i to da je na vikend 17. i 18. 09. na Pohorju kod Maribora Otvoreno prvenstvo Maribora. Ajmo i tam! Naj mi se javi gdo bi išel.
Štel bi reč još i ovo da sam puno toga štel reči, pa sam i rekel. Eto to sam štel reči. Lepi pozdrav sima. Ste mi si dragi i želim vam se najbolše, kaj more biti
Vaš bl. Muradenu
Post je objavljen 02.09.2005. u 13:20 sati.